ப்ளஸ் 2 தேர்வு முடிவுகள் : கோவையில் கடந்த ஆண்டைவிட தேர்ச்சி சதவீதம் உயர்வு!

கடந்த ஆண்டை காட்டிலும் இந்த ஆண்டு கோவையில் 1.68 சதவீத மாணவர்கள் அதிகமாக தேர்ச்சி பெற்றுள்ளனர்.

தமிழகம் மற்றும் புதுச்சேரியில் ப்ளஸ் 2 பொதுத்தேர்வு முடிவுகள் காலை 10 மணிக்கு வெளியிடப்பட்டன. தேர்வு எழுதிய மாணவ, மாணவிகளில் 92.1 சதவீதம் தேர்ச்சி பெற்றுள்ளனர். இந்த ஆண்டும் மாணவிகளே அதிக அளவிற்கு தேர்ச்சி பெற்றுள்ளனர். இந்நிலையில் முறையே விருதுநகர், ராமநாதபுரம் மற்றும் ஈரோடு மாவட்டங்கள் முதல் மூன்று இடங்களை பிடித்துள்ளன. இதில் கோவை மாவட்டம் 95.83 சதவீதம் தேர்ச்சி பெற்று 9வது இடத்தை பிடித்துள்ளது.

இந்த வருடம் கோவை மாவட்டத்தில் 37,951 மாணவர்கள் தேர்வு எழுதினர். இவர்களில் 36,369 மாணவர்கள் தேர்ச்சி பெற்றுள்ளனர். கடந்த வருடத்துடன் ஒப்பிடுகையில் கோவையில் தேர்ச்சி சதவீதம் உயர்ந்துள்ளது. கடந்த வருத்தைவிட 1.68 சதவீதம் தேர்ச்சி சதவீதம் உயர்ந்து கோவை மாவட்டம் சாதனை படைத்துள்ளது.