இனிமே ஆட்டுக்கறி கூட EMI-யில் வாங்கலாம்.. குனியமுத்தூர் இறைச்சி கடை உரிமையாளரின் புதிய முயற்சி.. குவியும் அசைவப் பிரியர்கள்!

5000 ரூபாய்க்கு மேல் மட்டன், சிக்கன் வாங்கினால் EMI -யில் பணம் செலுத்தலாம்:

கோவை மாவட்டம் குனியமுத்தூரில் அல் அமீன் என்ற இறைச்சி கடை வைத்துள்ள ரியாஸ் அகமது என்பவர், 5000 ரூபாய்க்கு மேல் மட்டன், சிக்கன் வாங்கினால் EMI எனப்படும் மாதத் தவணை மூலம் பணத்தை செலுத்தும் வசதியை அறிமுகப்படுத்தியுள்ளார்.‌

கோவை குனியமுத்தூர் பகுதியை சேர்ந்தவர் ரியாஸ் அகமது. இவர் குனியமுத்தூர் பகுதியில் சிக்கன் மற்றும் மட்டன் விற்பனை செய்து வருகிறார். இவர் வழங்கியுள்ள வித்தியாசமான சலுகை அனைவரையும் திரும்பி பார்க்க வைத்துள்ளது.


மொபைல், டிவி, பிரிட்ஜ், வாஷிங் மெஷினுக்கு அடுத்து ஆட்டுக்கறி:

இது குறித்து இறைச்சி விற்பனையாளர் ரியாஸ் அகமது கூறுகையில், குனியமுத்தூர் பகுதியில் அல்.அமீன் என்ற பெயரில் மட்டன் சிக்கன் கடை வைத்து உள்ளேன். மேலும் பல electronic shop மூலமாக கிரெடிட் கார்டுகளில், டெபிட் கார்டுகளில் இஎம்ஐ ஆப்ஷன் கொடுத்து வருகிறார்கள்.

அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்

பொதுவாக மொபைல், டிவி, பிரிட்ஜ், வாஷிங் மெஷின் அனைத்திற்கும் இஎம்ஐ ஆப்ஷன் கொடுத்து வருகிறார்கள். அதனால் மட்டன், சிக்கன் ஆகிய இறைச்சிகளுக்கு நாம் என் இ எம் ஐ ஆப்ஷன் கொடுக்க கூடாது என நினைத்தேன்.

சாமானிய மக்களுக்காக இந்த வசதி:

குறிப்பாக சாமானிய மக்கள் ஒரு பெரிய நிகழ்ச்சிக்காக இறைச்சி வாங்கும்போது ஒரு பெரிய தொகை செலவு ஆகும். இதனை இ.எம்.ஐ மூலமாக இறைச்சியை கொடுத்தால் அவர்கள் பாரமின்றி கட்டுவார்கள். கறிக்கடை வரலாற்றில் மட்டன் மற்றும் சிக்கனை 5000 மேல் வாங்கினால் இ.எம்.ஐ கட்ட மூன்று மாதம் ஆறு மாதம் ஒன்பது மாதம் மற்றும் 12 மாதம் என தவணை முறையில் கொடுத்து வருகிறோம்.

புதுச்சேரி, காரைக்காலில் 1ம் வகுப்பு முதல் 8ம் வகுப்பு மாணவர்கள் ஆல் பாஸ்; கல்வித்துறை செம அறிவிப்பு..!

அனைத்து நாட்களிலும்...

மூன்று மாசத்துக்கு இண்ட்ரெஸ்ட் தொகை 170 ரூபாய் ஆகும் எனவும், கல்யாணம் போன்ற நிகழ்ச்சிக்காக 500 முதல் 700 கிலோ வாங்கினால் நடுத்தரமக்கள் இதுபோன்று இ.எம்.ஐ மூலமாக வாங்கிக் கொள்ளலாம். மேலும் ரம்ஜான் பண்டிகைக்காக மட்டும் இல்லாமல், அனைத்து நாட்களிலும் பொதுமக்களில் நலனுக்காகவே இதனை கொடுத்து வருகிறோம் என தெரிவித்தார்.

தமிழ்நாட்டை மூன்று மாநிலங்களாக பிரிக்க வேண்டும்; கோவையில் அர்ஜுன் சம்பத் பரபரப்பு பேட்டி..!

பொதுமக்களிடையே இந்த இ.எம்.ஐ கட்டணத்தில் இறைச்சி விற்பனையானது நல்ல வரவேற்பை பெரும் என்பதில் தனக்கு நம்பிக்கை உள்ளதாக இறைச்சி விற்பனையாளர் ரியாஸ் அஹமது கூறியுள்ளார்.