தோற்பதுக்கு ரூ. 2500 எதுக்கு? அதிமுக கோவையில் அடிதடி சண்டை!

கோவை மாவட்டத்தில் தேர்தல் காரணமாகப் பணப்பட்டுவாடா மிகச் சாதாரணமாக நடந்து வருவதாகக் குற்றச்சாட்டு நிலவி வந்தது. இந்தச் சூழலில், பணப்பட்டுவாடா செய்வதில் கொள்ளையடித்த அதிமுகவினர் சண்டை வெளிச்சத்திற்கு வந்துள்ளது.

தொண்டாமுத்தூர் தொகுதி குனியமுத்தூர் பகுதியில் தலா ஒரு ஓட்டுக்கு 2500 ரூபாய் கொடுக்கச் சொல்லி மேலிடம் உத்தரவு பிறபித்திருந்ததாகத் தகவல்கள் கூறுகின்றன. இதையடுத்து வாக்காளர்களுக்குப் பணத்தைப் பிரித்துக் கொடுக்க குழு ஒன்று அமைக்கப்பட்டுள்ளது.

இந்த குழுவினர் பணத்தைப் பிரித்துக் கொடுப்பதில் கருத்து வேறுபாடு நிலவியுள்ளது. தகவல்கள் படி, மீண்டும் அதிமுக ஆட்சிக்கு வராது பின் எதற்காகப் பணத்தை முழுமையாகக் கொடுக்க வேண்டும் எனக் கட்சியினர் மத்தியிலே கருத்து எழுந்துள்ளது.

இதையடுத்து 500 முதல் ஆயிரம் ரூபாய் வரை உள்ளூர் நிர்வாகிகளே தெருவுக்கு ஏற்ப பிரித்து எடுத்துக்கொண்டு மீதியைத் தான் கையூட்டாக மக்களுக்குக் கொடுக்கின்றனர்.

இந்து கடவுளை கமல்ஹாசன் இழிவு: கோவை போலீஸ் வழக்குப் பதிவு!

இதற்கிடையே அதிமுக விசுவாசிகள் முழு பணத்தையும் மக்களிடம் கொடுத்து வெற்றியை நாம் உறுதி செய்ய வேண்டும், “2 ஆயிரத்து 500 கொடுத்தால் நிச்சயம் பணத்தைப் பெறுபவர்கள் நமக்கு ஓட்டுப் போடுவார்கள்” என வலியுறுத்தியுள்ளனர்.

இதையடுத்து அதிமுகவினரிடையே ஏற்பட்ட சண்டை வீதி வரை வந்துள்ளது. பணம் வழங்குவதில் குழுக்களாகப் பிரிந்து அதிமுகவினர் அடிதடி சண்டையில் இறங்கியுள்ளனர். இதையடுத்து சம்பவ இடத்திற்குத் தகவலறிந்து வந்த போலீசார் சண்டை போட்டுச் சிக்கிய கட்சியினரை விசாரணைக்கு அழைத்துச் சென்றனர்.

பணம் கொடுப்பதே குற்றம் எனச் சட்டம் சொல்கிறது. இந்த சூழலில் வாக்காளர்களுக்குக் கையூட்டாகக் கொடுக்க வேண்டிய பணத்தில் கட்சியினரே எவ்வளவு திருடுவது என ஏற்பட்ட அடிதடி சண்டை நகைப்பை வரவழைப்பதாகச் சம்பவத்தை நேரில் பார்த்தவர்கள் தெரிவிக்கின்றனர்.