ஆந்திராவில் தனியார் பேருந்தில் சிக்கிய ரூ. 3 கோடி..!

ஆந்திரா - தெலங்கானா எல்லையான பஞ்சலிங்கா சோதனை சாவடி அருகே வந்து கொண்டிருந்த எஸ்ஆர்எஸ் தனியார் பேருந்தை வழி மறித்த போலீசார் சோதனையில் ஈடுபட்டனர். அப்போது, பேருந்துக்குள் பயணித்த சேத்தன் குமார் என்பவரது உடைமைகளை சோதனையிட்டதில் ஆவணமின்றி கொண்டு வரப்பட்ட ரூ .3 கோடியே 5 லட்சம் ரூபாயை பறிமுதல் செய்தனர். தொடர்ந்து சேத்தன் குமாரை கீழே இறக்கிய போலீசார் அவரிடம் விசாரணை நடத்தினர். அப்போது, அந்த பணம் சென்னை ராமச்சந்திரா மருத்துவ கல்லூரிக்கு சேர்ந்த பணம் என்று கூறியதாக போலீசார் தெரிவித்துள்ளனர்.

சென்னை: தகாத உறவில் இருந்த பெண்ணை தீ வைத்து கொளுத்திய காதலன்..! பதைபதைக்கும் காட்சி

தொடர்ந்து அவரை கைது செய்த கர்னூல் போலீசார் விசாரணைக்கு கொண்டு சென்றனர். பஞ்சலிங்கா சோதனை சாவடியில் சோதனைக்குட்பட்ட பேருந்து ஹைதராபாத்தில் இருந்து பெங்களூருக்கு சென்று கொண்டிருந்தது குறிப்பிடத்தக்கது.