கர்ப்பிணியை கத்தியால் குத்தி பணம் பறிக்க முயன்ற பக்கத்து வீட்டுக்காரர்..!

வீட்டில் தனியாக இருந்த கர்ப்பிணி பெண்ணிடம் பணம் கேட்டு மிரட்டு, பிறகு அவரை கத்தியால் குத்தி கொல்ல முயன்ற இளைஞரை காவல்துறையினர் கைது செய்து விசாரித்து வருகின்றனர்.

சென்னை மறைமலை நகர் பகுதியில் வசித்து வரும் கர்ப்பிணி ஒருவர், கணவர் வேலைக்கு சென்றுவிட்ட நிலையில் வீட்டில் தனியாக இருந்துள்ளார். அப்போது பெண்ணின் வீட்டுக்குள் தடலாடியாக உள்ளே நுழைந்த இளைஞர் குடிப்பதற்கு தண்ணீர் கேட்டுள்ளார்.

அந்த இளைஞர், பெண்ணின் வீட்டுக்கு அருகில் வசிப்பவர் என்பதால், அவர் எந்த கூச்சலும் போடவில்லை. எனினும், அருந்துவதற்கு தண்ணீர் கேட்ட இளைஞரின் நடவடிக்கையை கவனித்த அப்பெண் வாலிபரை வீட்டை விட்டு வெளியே போகும் படி சொல்லியுள்ளார்.

ஆனால் இளைஞர் அப்பெண்ணை நெருங்கியுள்ளார். இதனால் அச்சமடைந்த அப்பெண் கூச்சலிட தொடங்கியுள்ளார். ஆனால் இளைஞர் பெண்ணின் வாயை அடைத்து பணம் கேட்டு மிரட்டியுள்ளார். எனினும், கர்ப்பிணி பெண் திமிறி கத்தியுள்ளார்.

இதனால் ஆத்திரமடைந்த இளைஞர், பெண்ணை கத்தியால் குத்தியுள்ளார். பெண் கதற்கும் சத்தம் கேட்டு அருகில் வசிப்பவர்கள் உடனே வீட்டுக்குள் வந்தனர். இளைஞரின் பெற்றோரும் வீட்டுக்குள் வந்துள்ளனர்.

அங்கே மயங்கி கிடந்த பெண்ணை மீட்டு, தனியார் மருத்துவமனையில் அனுமத்தினர். பிறகு மருத்துவர்களின் உத்தரவின் பேரி, கர்ப்பிணியை செங்கல்பட்டு அரசு மருத்துவமனையில் சேர்த்தனர். சிகிச்சையில் பெண்ணின் உயிருக்கும், வயிற்றில் வளரும் குழந்தைக்கும் எந்த பாதிப்பும் ஏற்படவில்லை என்பது தெரிந்தது.

இதுதொடர்பாக வழக்குப்பதிவு செய்த காவல்துறை, பெண்ணை கத்தியால் குத்தி பணம் கேட்டு மிரட்டிய நபர், அதே பகுதியை சேர்ந்த யுவராஜ் என்பது தெரியவந்தது. பல நாட்களாக நோட்டமிட்டு பெண்ணிடம் பணம் பறிக்க திட்டமிட்டது தெரியவந்தது.

உடனடியாக யுவராஜை கைது செய்த காவல்துறையினர், பாதிக்கப்பட்ட கர்ப்பிணி பெண் அளித்த புகாரின் அடிப்படையில், அவர் மீது வழக்குப் பதிவு செய்து சிறையில் அடைத்தனர்.