ஆப்நகரம்

கேரளாவை உலுக்கிய பெண் மரணம்... கணவன் குற்றவாளி என தீர்ப்பு - கோர்ட் அதிரடி

கேரளாவில் வரதட்சணை கொடுமையால் புதுப்பெண் தற்கொலை செய்துகொண்ட வழக்கில் கணவனை குற்றவாளி என நீதிமன்றம் அறிவித்துள்ளது.

Samayam Tamil 23 May 2022, 2:22 pm
கேரள மாநிலம் கொல்லம் கைததோடு பகுதியைச் சேர்ந்தவர் விக்ரமன் நாயர். இவரது மகள் விஸ்மயா (24). ஆயுர்வேத கல்லூரியில் மருத்துவம் படித்த இவருக்கும் சஸ்தம்கோட்டா பகுதியைச் சேர்ந்த மோட்டார் வாகன பிரிவு உதவி ஆய்வாளரான கிரண்குமார் என்பவருக்கும் கடந்த ஆண்டு திருமணம் நடந்துள்ளது. இந்த நிலையில் கணவன் வீட்டில் கூடுதல் வரதட்சணை கேட்டு அடித்து கொடுமை படுத்தி வந்ததால் விஸ்மயா தனது அறையில் தூக்கிட்டு தற்கொலை செய்துகொண்டார்.
Samayam Tamil vismaya case


இதையடுத்து விஸ்மயா வீட்டார் கொல்லம் போலீசில் அளித்த புகாரின் பேரில் போலீசார் கிரணை கைது செய்தனர். இதனிடையே கிரண் குமார் பணியிடை நீக்கம் செய்யப்பட்டார்.

தொடர்ந்து அவர் மீது வழக்கு பதிவு செய்து போலீசார் விசாரித்து வந்த நிலையில் கிரண்குமார் மீதான குற்றசாட்டுகள் உறுதி செய்யப்பட்டன. அதனை தொடர்ந்து, ஏற்கனவே சஸ்பெண்ட் செய்யப்பட்டிருந்த கிரண்குமாரை அரசு பணியில் இருந்து நிரந்தரமாக நீக்கி மாநில போக்குவரத்து துறை உத்தரவிட்டது.

'உடலளவில் யூஸ் பண்ணவர்கள்'... எனக்கு எல்லாமே தெரியுங்க... சித்ரா ஏன் இப்படி?

இந்த நிலையில், வழக்கை விசாரித்து வந்த கேரள நீதிமன்றம் கிரண்குமாரை குற்றவாளி என தீர்ப்பு வழங்கியுள்ளது. இதனால் நீதிமன்றத்தில் பரபரப்பு நிலவியது. மேலும் இந்த வழக்கில் குற்றவாளி கிரண்குமாருக்கு 10 ஆண்டுகள் வரை சிறை தண்டனை அறிவிக்கப்படும் என தகவல் வெளியாகியுள்ளது.

அடுத்த செய்தி