ஐஐடி மாணவி மரணம்: நீதியரசர் ஹரிபரந்தாமன் எழுப்பும் கேள்வி!

கேரளாவைச் சேர்ந்த மாணவி பாத்திமா லத்தீஃப் சென்னை ஐஐடியில் முதுகலை முதலாம் ஆண்டு படித்துவந்தார். நவம்பர் 8ஆம் தேதி விடுதியிலுள்ள தனது அறையில் தூக்கிலிட்டு தற்கொலை செய்துகொண்டார்.

அவர் எழுதியிருந்த தற்கொலைக் கடிதத்தில் சுதர்சன் பத்மநாபன், ஹேமச்சந்திரன் காரா, மிலிந்த் பிரம்மே ஆகிய பேராசிரியர்களின் பெயர்களையும் குறிப்பிட்டிருந்தார். இந்த வழக்கை சிபிசிஐடி போலீஸார் விசாரித்துவருகின்றனர். மாணவி மரணமடைந்து 18 நாள்கள் ஆகியுள்ள நிலையில் பேராசிரியர்கள், பெற்றோர்கள், கல்லூரி ஊழியர்கள் ஆகியோரிடம் விசாரணை நடைபெற்றாலும் யாரும் கைது செய்யப்படவில்லை.

ஃபாத்திமா தற்கொலை வழக்கு: கேரளா விரையும் தனிப்படை..!

இந்த வழக்கை சிபிஐக்கு மாற்ற வலியுறுத்தும் வழக்கும் சென்னை உயர் நீதிமன்றத்தில் நடைபெற்றுவருகிறது. இந்நிலையில் இந்த மரணம் பல்வேறு கேள்விகளையும் சந்தேகங்களையும் எழுப்பியுள்ளதாக பலரும் கருத்து தெரிவித்துவருகின்றனர்.

ஐஐடி மாணவி மரணம்: சிபிஐக்கு மாற்றக் கோரிய வழக்கு - உயர் நீதிமன்றம் கூறுவது என்ன?

இந்நிலையில் முன்னாள் நீதிபதி ஹரி பரந்தாமன் இதுகுறித்து கூறும்போது, “இது போன்ற சந்தேகத்திற்குரிய மரணங்கள் ஐஐடியில் 15 முதல் 19 வரை நடைபெற்றுள்ளதாக கூறப்படுகிறது. கடந்த ஒரு ஆண்டில் மட்டும் 5 மாணவர்கள் தற்கொலை செய்துகொண்டுள்ளனர். ரோஹித் வெமுலா போன்று விளிம்பு நிலை மாணவர்களே தற்கொலை செய்துகொள்கின்றனர்.

இந்த மரணங்கள் தொடர்பாக தீவிர விசாரணை நடத்தி குற்றவாளிகளை கண்டுபிடித்து தண்டனை வழங்கவேண்டும். பாத்திமா லத்தீஃப் எழுதிய தற்கொலை கடிதத்தில் குறிப்பிட்ட பேராசிரியர்கள் மேல் எடுக்கப்பட்ட நடவடிக்கை என்ன? பேராசிரியர் வசந்தா கந்தசாமி கூறியதுபோல் இது ஒரு நிர்வாகம் செய்த படுகொலை” என்று பேசியுள்ளார்.

ஸ்டாலினிடம் மிசா ஆதாரம் கேட்பது, சீதையை தீயில் இறங்கச் சொன்னது போல: நீதிபதி சந்துரு

முன்னதாக சமயம் தமிழ் சார்பாக நீதியரசர் சந்துருவிடம் கேட்கப்பட்ட நேர்காணலில் இந்த மரணம் தொடர்பாக உண்மை கண்டறியும் குழு கொண்டு விசாரணை மேற்கொள்ளப்பட வேண்டும் எனக் கூறினார்.