பாஜக ஜெயலட்சுமியின் பலே மோசடி - புலம்பும் சினேகன்... சீரியல் நடிகையின் சீரிஸ்

சின்னத்திரை நடிகையான ஜெயலட்சுமி பாஜகவில் இணைந்து கட்சி செயல்பாட்டில் தீவிரமாக ஈடுபட்டு வருகிறார். அதே சமயம் அவ்வப்போது பண மோசடி புகாரில் இவர் பெயர் தொடர்ந்து அடிபட்டு வருகிறது. இந்த நிலையில், பாடலாசிரியரும் மக்கள் நீதி மய்யம் கட்சியை சேர்ந்தவருமான சினேகன் ஜெயலட்சுமி மீது சென்னை கமிஷனர் அலுவலகத்தில் மோசடி புகார் ஒன்றை கொடுத்திருப்பது பரபரப்பை ஏற்படுத்தியுள்ளது.

அதாவது, கடந்த 2015 ஆம் ஆண்டு முதல் சினேகன் '' சினேகம் பவுண்டேஷன்'' என்ற பெயரில் அறக்கட்டளை நடத்தி வருகிறார். அதன் மூலம் பலருக்கு உதவிகளை செய்து வருவதாக அவர் குறிப்பிட்டுள்ளார். இந்நிலையில், நடிகை ஜெயலட்சுமி '' சினேகம் அறக்கட்டளை'' பெயரில் இணையதளம் தொடங்கி அதில் நன்கொடை கேட்டு பெற்று வருவதாகவும் வருமானவரித்துறை நடத்திய சோதனையில் அந்த விவகாரம் தெரிய வந்ததாகவும் அவர் தனது புகாரில் கூறியுள்ளார்.

தான் நடத்தி வரும் அறக்கட்டளை பெயரில் எனக்கே தெரியாமல் வெப்சைட் தொடங்கி பல நாட்களாக விஜயலட்சுமி நன்கொடை பெற்று வருவதாகவும் அதன் மூலம் தனது அறக்கட்டளைக்கு அவப்பெயர் ஏற்பட்டுள்ளதாகவும் கூறிய சினேகன் இதுகுறித்து விளக்கம் அளிக்க இரண்டு முறை நோட்டீஸ் அனுப்பியும் விஜயலட்சுமி எந்த பதிலும் தரவில்லை என குற்றம் சாட்டியுள்ளார்.

'யாரையும் சும்மா விடக்கூடாது'... கோவை மாணவி வழக்கில் அந்த இரண்டு பேர் கைது..!

நடிகை ஜெயலட்சுமி ஏற்கனவே சென்னையில் ''செம்பருத்தி'' என்ற பெண்கள் சுயகுழுவில் இணைந்து உறுப்பினர்களுக்கு கடன் கொடுத்து பின்னர் வட்டி என்ற பெயரில் பண மோசடி செய்ததாக ஒரு புகார் கிடப்பில் உள்ளது. அந்த வழக்கு எந்த நிலையில் இருக்கிறது என்று தெரியவில்லை. இப்போது, பாடலாசிரியர் சினேகனின் அறக்கட்டளை பெயரில் போலியாக வெப்சைட்டை துவக்கி நன்கொடை கேட்டு பெற்று வருவதாக அவர் மீது மேலும் ஒரு மோசடி புகார் கொடுக்கப்பட்டிருப்பது பரபரப்பை ஏற்படுத்தியுள்ளது.