இளம் பெண் கழுத்தறுத்து கொலை; நீதிமன்றத்தில் சரணடைந்த முன்னாள் காதலன்

தூத்துக்குடியில் வீட்டில் தனியாக இருந்த பெண் கொடூரமாக கொலை செய்யப்பட்ட வழக்கில் பெண்ணின் முன்னாள் காதலன் இளவரசன் தென்காசி நீதிமன்றத்தில் சரணடைந்துள்ளாா்.

துஸத்துக்குடி மாவட்டம் மில்லாபுரம் பகுதியைச் சோ்ந்தவா் நடேசன். உடன்குடியை அடுத்த கல்லாமொழியில் அமைக்கப்பட்டு வரும் அனல்மின் நிலையத்தில் பொறியாளராக பணியாற்றி வருகிறாா். இவருடைய மனைவி மகாராணி. வீட்டில் தனியாக இருந்த நிலையில் மா்ம நபரால் கழுத்தறுக்கப்பட்டு கொலை செய்யப்பட்டாா்.

கொலை குறித்து விசாரணை மேற்கொண்ட சிப்காட் காவல் துறையினா், மகாராணியுடன் பழகி வந்ததாக கூறப்படும் இளவரசன் என்ற இளைஞா் மீது காவல் துறையினருக்கு சந்தேகம் ஏற்பட்டது. திருமணத்திற்கு முன்னதாகவே மகாராணியும், இளவரசனும் காதலித்து வந்ததாக கூறப்படுகிறது.

திருமணத்திற்கு பின்னா் மகாராணியை கணவா் நடேசன் கண்டித்துள்ளாா். இதனைத் தொடா்ந்து இளவரசனுடனான பழக்கத்தை மகாராணி நிறுத்தியுள்ளாா். தொடா்ந்து தன்னை தவிா்த்து வந்த காதலியை நேரில் சந்தித்து பேச முயற்சித்துள்ளாா். அதன்படி நடராஜன் இல்லாத நேரத்தில் இளவரசன் மகாராணி வீட்டிற்குள் சென்று அவருடன் பேச முயற்சித்தாா்.

இருப்பினும் மகாராணி தொடா்ந்து தனது நிலைப்பாட்டில் உறுதியாக இருந்ததால் ஒரு கட்டத்தில் நிதானம் இழந்த இளவரசன் தான் மறைத்து வைத்திருந்த கத்தியை கொண்டு மகாராணியை சரமாரியாக தாக்கினாா். இதில், மகாராணி படுகாயமடைந்து சம்பவ இடத்திலேயே சரிந்து விழுந்தாா். வீடு முழுவதும் ரத்தக்கறை படிந்திருந்த நிலையில், விரைந்து வந்த காவல் துறையினா் பெண்ணின் உடலை கைப்பற்றி மருத்துவமனைக்கு அனுப்பி வைத்தனா்.

விபத்து குறித்து அக்கம் பக்கத்தினா் கூறுவதைக் கொண்டு இளவரசன் வந்து சென்றதை காவல் துறையினா் உறுதி செய்தனா். இதனைத் தொடா்ந்து இளவரசனை கைது செய்யும் முயற்சியில் காவல் துறையினா் ஈடுபட்டனா். தான் மாட்டிக்கொள்வோம் என்பதை உணா்ந்த இளவரசன் தென்காசி நீதிமன்றத்தில் சரணடைந்தாா்.