பிரபல யூடியூபர் இர்பான் கார் விபத்து; மூதாட்டி பலி..!

பிரபல யூடியூபர் இர்பான் உணவு வீடியோக்களை பதிவிட்டு பிரபலமானவர். இவர் தற்போது வெவ்வேறு நாடுகளுக்கு சென்று அங்குள்ள உணவு, பழக்க வழக்கங்கள் மற்றும் வாழ்க்கை முறைகளையும் விவரித்து வீடியோ போட்டு வருகிறார். இவரது யூடியூப் சேனலுக்கு 3.64 மில்லியன் சப்ஸ்க்ரைபர்கள் உள்ளனர்.

இவருக்கு அண்மையில்தான் திருமணம் நடந்தது. திருமணம் நிகழ்ச்சிகளின் வீடியோக்களை தற்போது வெளியிட்டு வருகிறார். இந்த நிலையில் மறைமலை நகர் அருகே இர்பானின் கார் மோதி பத்மாவதி(55) என்பவர் சம்பவ இடத்திலேயே உயிரிழந்துள்ளார்.


செங்கல்பட்டு மாவட்டம் மறைமலைநகர் நகராட்சி அலுவலகம் அருகே இர்பானின் கார் வந்துள்ளது. அப்போது, அந்த கார் எதிரே வந்த பத்மாவதி மீது மோதியதில் படுகாயமடைந்த அவர் சம்பவ இடத்திலேயே உயிரிழந்துள்ளார்.

முதற்கட்ட தகவலின்படி, இர்பானின் காரை அசாரூதின் என்பவர் ஓட்டி வந்ததாக தெரிய வந்துள்ளது. மேலும், இதுகுறித்து தாம்பரம் போக்குவரத்து புலனாய்வு போலீசார் வழக்கு பதிவு செய்து விசாரணை நடத்தி வருகின்றனர். கூடுதல் தகவலுக்கு இணைந்திருங்கள்.