இந்த வயசுல லவ்வு... ஒரு பையனுக்காக அடித்துக்கொள்ளும் பள்ளி மாணவிகள்... வைரல் வீடியோ

கர்நாடகா மாநிலம் பெங்களூருவில் செயல்பட்டு வரும் மிக பிரபலமான பிஷப் காட்டன் பள்ளி மாணவிகள் வகுப்புகள் முடிந்து வெளியே வந்தனர். அப்போது, சீருடையில் இருந்த மாணவிகள் மற்றும் சீருடை அணியாத சில இளம் பருவ பெண்கள் ஆகியோர் ஒன்றுகூடியபடி பேசிக்கொண்டிருந்தனர். இந்நிலையில், திடீரென அவர்களுக்குள் மோதல் வெடித்து மாறி மாறி குடுமியை பிடித்து அடித்துக்கொண்டனர்.

இதில் சீருடை அணிந்திருந்த மாணவிகளுக்குள்ளும் அடித்து கொண்டனர். மேலும், கையில் பேஸ் பால் பேட்டை வைத்தும் தாக்கிக்கொண்டனர். பொதுவெளியில் மாணவிகள் அடித்துக்கொண்டதை சில மாணவிகளே செல்போனில் வீடியோ எடுத்து நகைத்துக்கொள்வதும் இடம்பெற்றுள்ளது.

மேலும், சண்டை தொடங்குவதற்கு முன்பே சிலர் வீடியோவை ஆன் செய்துவிட்டனர். இதனால், ஏற்கனவே இந்த சண்டை திட்டமிடப்பட்டிருக்கலாம் எனவும் தெரிகிறது. ஆனால்,இச்சம்பவம் குறித்து பள்ளி நிர்வாகம் எந்த விளக்கத்தையும் கொடுக்கவில்லை. காவல் நிலையத்துக்கும் புகார் செல்லவில்லை என தெரிகிறது.

இதனிடையே வெளிவந்த தகவலில், அதே பள்ளியில் படிக்கும் மாணவி ஒருவர் வேறொரு மாணவியின் காதலனுடன் ஊர் சுற்றியதாகவும் அதுகுறித்து கேட்டபோது இந்த மோதல் நடந்தது என்றும் கூறப்படுகிறது.

பெங்களூருவில் மிக பிரபலமான பள்ளியின் மாணவிகள் பொதுவெளியில் கீழ்த்தனமாக அடித்துக்கொண்ட சம்பவம் அப்பகுதியில் பரபரப்பாக பேசப்பட்டுள்ளது. மேலும், இதுதொடர்பான வீடியோ சமூக ஊடகங்களில் தீயாக பரவியுள்ளது.