பழைய டிவியில் இது இருக்கும், கிடைத்தால் கொள்ளை லாபமாம்..!

இடி விழுந்த கலசம், இரண்டு தலை மண்ணுளி பாம்பு, எறும்பு தின்னி ஆகியவற்றை தேடி கண்டுபிடித்து, விற்பனை செய்ய முடியாமல் ஆங்காங்கே சிக்கிக்கொள்ளும் இடை தரகர்களை பார்த்து கேலி செய்வதா இல்லை கவலை படுவதா என்று தெரியவில்லை.

ஒரு ரூபாய்க்கு பிரயோஜனம் இல்லாத பொருட்கள் பலகோடிக்கு டிமாண்டு உள்ளதாக போலி தகவல்கள் இன்டர்நெட்டில் வளம் வர, முதலீடே செய்யாமல் பணக்காரர் ஆகிவிடலாம் என்பதுதான் சிக்கிக்கொள்ளும் இடை தரகர்களின் தாரக மந்திரம்.

தற்போது அந்த பொருட்களின் பட்டியலில் சிகப்பு பாதரசமும் இடம் பெற்றுள்ளது. தாத்தா, பாட்டி காலத்தில் ஒரு சிலர் வீட்டில் இருக்கும் ஷட்டர் கொண்ட டிவி, மரத்தினாலான ஆனா ரேடியோ போன்ற பொருட்களில் இந்த சிகப்பு பாதரசம் ( சிகப்பு திரவம் நிரப்பப்பட்ட குப்பி ) இருக்கும் என்றும் அது ஒருவரது வீட்டில் இருந்தால் செல்வம் செழிக்கும் என தற்போது சமூக ஊடகங்களில் வைரலாகி வருகிறது.


மேலும், அந்த ஒரு கிராம் பாதரசத்தை பத்தாயிரம் ரூபாய் வரைக்கும் விற்பனை செய்யலாம் எனவும் கூறப்படுகிறது . மேலும், இப்படி சேகரிக்கப்படும் பாதரசத்தை கொண்டு அணு குண்டுகள் தயாரிக்கலாம், கொரோனா நோயையும் குணப்படுத்தலாம் என நிகழ்காலத்திற்கு ஏற்றவாறு புரளி ஒன்றும் சேர்க்கப்பட்டுள்ளது.

சிறுமி பாலியல் வன்கொடுமை: முன்னாள் எம்.எல்.ஏ. நாஞ்சில் முருகேசன் சிறையில் அடைப்பு

இதை கேட்ட பலர் பழைய டிவி, ரேடியோ பழுது பார்க்கும் கடைகளுக்கு நடையாய் நடக்கின்றனர் என்றும் வெளியாகியிருக்கும் தகவல். ஆனால் உண்மையில் அந்த குப்பியில் நிரப்பப்பட்டுள்ள திரவம் பாதரசம் கிடையாது என்றும் உண்மையான சிகப்பு பாதரசம் கொரோனாவை குணப்படுத்தும் என்பதற்கான சாத்தியக்கூறுகள் இல்ல எனவும் ஆய்வுகள் தெரிவிக்கின்றன.