கோவை சிறுமி கொலை வழக்கு: குற்றவாளியின் மரண தண்டனைக்கு உச்ச நீதிமன்றம் தடை..

கோவை மாவட்டத்தில் கடந்த 2010 ஆம் ஆண்டு தனியார்ப் பள்ளியில் படித்து வந்த முஸ்கான் என்ற 6 வயது சிறுமி மற்றும் அவரது தம்பி ரித்திக் ஆகியோரை மனோகரன் என்பவர் கடத்தி கொலை செய்த சம்பவம் தமிழகத்தை உலுக்கியது. இந்நிலையில் பாலியல் குற்றவாளி மனோகரன் மீது உச்ச நீதிமன்றம் மரண தண்டனையை உறுதி செய்தது.

இந்த இரட்டை கொலை வழக்கு விசாரணையில் சிக்கிய மற்றொரு குற்றவாளியான மோகன்ராஜ், போலீசிடம் இருந்து தப்பியபோது என்கவுண்டர் செய்யப்பட்டு இறந்தார். இந்நிலையில் தன் மீதான மரண தண்டனையை மறு ஆய்வு செய்யக்கோரி உச்சநீதிமன்றத்தில் மனு அளித்துள்ளார்.

மனுவை ஏற்ற நீதிபதிகள் வழக்கை மறு விசாரணை செய்யும் அடிப்படையில் பாலியல் குற்றவாளியான மனோகரனின் மரண தண்டனையை அக்டோபர் 20 வரை நிறுத்தி வைக்க இடைக்காலத் தடைக்கு உத்தரவிட்டுள்ளனர்.