நேற்று பப்ஜி மதன்... இன்று TTF வாசன்... ஜெயில் அட்மிஷன் ரெடி..?

கோவையைச் சேர்ந்த வாசன் என்ற TTF வாசன் பைக் பயணம் செய்வதை வீடியோவாக எடுத்து யூடியூபில் பதிவிட்டு வருகிறார். சமூக வலைத்தளங்களில் கொஞ்சம் கொஞ்சமாக ரசிகர்களின் கவனத்தை ஈர்த்து வந்த TTF வாசனுக்கு தற்போது நடிகர்களுக்கு இருக்கும் அளவுக்கு ரசிகர்கள் உள்ளனர். குறிப்பாக 17 வயது முதல் 25 வயதுக்குட்பட்ட இளசுகளே TTF வாசனுக்கு வெறித்தனமான ரசிகர்களாக இருப்பது கவனிக்கத்தக்கது.

அண்மையில் TTF வாசன் தனது பிறந்தநாளை கொண்டாடியுள்ளனர். கோவையில் வெறும் 30 பேர் மட்டுமே கலந்துகொள்ள இருந்த நிகழ்ச்சியை அறிந்து ஆயிரக்கணக்கான இளைஞர்கள் அங்கு திரண்டுள்ளனர். அவர்களை சமாளிக்க முடியாமல் கோவை காவல்துறை திணறியுள்ளது. இந்த நிலையில், TTF வாசன் மீது நடவடிக்கை எடுக்குமாறு கொடுக்கப்பட்டுள்ள புகார் பரபரப்பை ஏற்படுத்தியுளளது. பைக் பயணத்தின்போது நடக்கும் நிகழ்வுகள், கடுமையான சாலைகளை எதிர்கொள்ளும் விதம் ஆகியவற்றை பேசி வீடியோ போட்டு வரும் TTF வாசன் அண்மையில் 242 கிலோ மீட்டர் வேகத்தில் பைக்கை ஓட்டியது சர்ச்சையாகியுள்ளது.

TTF வாசனை போல பைக் பயணம் செல்ல வேண்டும் என்று நினைத்திருக்கும் இளசுகளை அந்த வேகம் தூண்டக்கூடியதாக உள்ளது. அவர்களும், வேகமாக பைக் ஓட்டி வீடியோ போட வேண்டும் என்று எண்ணிலால் விபத்துகள் ஏற்பட்டு உயிர் சேதம் ஏற்பட அதிக வாய்ப்புள்ளது என்று சமூக ஆர்வலர்கள் கருதுகின்றனர். மேலும், TTF வாசனால் கவரப்பட்டுள்ள பள்ளி மாணவர்களும் தங்களது வீட்டில் ஆடம்பர பைக்கை கேட்டு நச்சரிப்பதாகவும், சிறு வயதிலேயே பைக் ஓட்டும் ஆசை தூண்டப்பட்டு படிப்பில் கவனம் செலுத்துவார்களா என்றும் கேள்வி எழுப்பியுள்ளனர்.

கஸ்டமரை அடித்து கொன்ற ஓலா டிரைவர் - கேளம்பாக்கத்தில் பரபரப்பு சம்பவம்

சமூக வலைத்தளங்கள் மூலம் வருமானம் ஈட்டும் இதுபோன்றோர், 2k கிட்ஸ்களை டார்கெட் செய்து எளிமையாக பிரபலம் ஆகி விடுகின்றனர். மேலும், அதன் மூலம் வருமானமும் ஈட்டுகின்றனர். அந்த வழியில் வந்த பப்ஜி மதன் கைதாகி 11 மாதங்கள் கழித்து தற்போது விடுதலை ஆகியுள்ளார். டிக்டாக் சூர்யா சிறையில் உள்ளார். மேலும், பலர் இருக்கும் இடம் தெரியாமல் அடங்கியுள்ளனர்.

அந்த வகையில், பைக் பயணத்தை பற்றி வீடியோ போட்டு வரும் TTF வாசன் இனிமேல் எச்சரிக்கையாக இருந்து இளசுகளை தூண்டாத வகையில் வீடியோ போடுவதே அவருக்கு நல்லது என்று சமூக ஆர்வலர்கள் கருத்து தெரிவிக்கின்றனர்.