அத்து மீறி ஷூட்டிங்... வசமா சிக்கிய 'காப்பி கிரிஞ்சான்ஸ்'... தப்பு.. தப்பு... தப்பு

தென் மாவட்டங்களில் மிக முக்கியமான சுற்றுலாத் தலமாக விளங்க கூடிய மதுரை திருமலை நாயக்கர் மஹால் 300 ஆண்டுகள் பழமையானது. தொல்லியல் துறை கட்டுப்பாட்டில் உள்ள இந்த பகுதியானது மிகப் புகழ்பெற்ற சுற்றுலாத் தலமாக விளங்கக்கூடியது.

இங்கு நூற்றுக்கும் மேற்பட்ட திரைப்படங்கள் எடுக்கப்பட்டுள்ளன. இந்த நிலையில் திரைப்படங்கள் எடுக்கப்படும் பொழுது நூற்றாண்டு பழமையான மஹாலின் சுவர்கள் மற்றும் தூண்கள் சேதம் அடைவதாக நீதிமன்றத்தில் வழக்கு தொடரப்பட்ட நிலையில் நீதிமன்றம் கடந்த 2011ம் ஆண்டு முதல் திரைப்படங்கள் எடுப்பதற்கு தடையானது விதிக்கப்பட்டு இருக்கிறது.

இந்த நிலையில், கடந்த சில தினங்களுக்கு முன்பாக பிகில் படத்தின் ஆக்ஷன் சீனை காப்பி அடித்து குறும்படம் ஒன்று திருமலை நாயக்கர் மஹால் உட்பகுதியில் எந்த ஒரு அனுமதி இன்றி எடுக்கப்பட்டதாகவும் மேலும் அந்த படத்தில் துப்பாக்கிகள் பயன்படுத்துவது போன்ற காட்சிகளும் பொதுமக்கள் அதிகம் நடமாட்டம் உள்ள பகுதியில் எடுக்கப்பட்டுள்ளதாகவும் எந்த ஒரு அனுமதியும் இல்லாமல் பொதுமக்களுக்கு அச்சுறுத்தல் ஏற்படுத்தும் வகையில் துப்பாக்கி பபயன்படுத்தி பொதுவெளியில் எடுக்கப்பட்ட இந்த குறும்படத்திற்கு எப்படி தொல்லியல் துறை அனுமதி வழங்கியது என்ற கேள்வி எழுந்துள்ளது.

கொடைக்கானலில் 22 வயது இளம்பெண் மரம் மரணம்... திருமணம் முடிந்து 3 மாதத்தில் அதிர்ச்சி...

மேலும் திருமலை நாயக்கர் மஹால் எடுக்கப்பட்ட அந்த குறும்படத்தின் வீடியோ காட்சிகள் சமூக வலைதளங்களில் வைரலாகி பெரும் சர்ச்சையை ஏற்படுத்தி உள்ளது