சூரியன் தளபதி VS மாம்பழம் தளபதி; தேர்தல் சுவாரஸ்யம்!

கடலூர் மாவட்டம் விருத்தாசலம் நகராட்சி 7வது வார்டில், திமுக சார்பில் வேட்பாளராக வே.தளபதி, அதிமுக சார்பில் வேட்பாளராக முன்னாள் சேர்மன் அருள் அழகன், பாமக சார்பில் வேட்பாளராக கா. தளபதி மற்றும் பாஜக சார்பில் வேட்பாளராக ஜெயராமன் ஆகியோர் போட்டியிடுகின்றனர்.

இதில் திமுக மற்றும் பாமக வேட்பாளர்கள் இருவரும் தளபதி என்ற ஒரே பெயரை கொண்டவர்களாக உள்ளனர். இதனால் விருத்தாசலம் நகராட்சி தேர்தல் களம் சூடு பிடித்து காணப்படுகிறது.

கலை கல்லூரிகளுக்கும் நுழைவுத் தேர்வு; முதல்வர் மு.க.ஸ்டாலின் அதிர்ச்சி தகவல்!

பொதுவாகவே தேர்தல்களில் ஒரே பெயரை கொண்ட சுயேட்சை வேட்பாளர்கள் பலர் களமிறங்குவது வழக்கம். இதனால் வாக்காளர்களுக்கு குழப்பத்தை ஏற்படுத்தி முக்கிய வேட்பாளர்களின் வெற்றியை தடுத்து விட முடியும் என்பது பரவலான தேர்தல் யுத்தியாக கடைபிடிக்கப்படுகிறது.

அந்தவகையில் விருத்தாசலம் நகராட்சி 7வது வார்டில் திமுக, பாமக, வேட்பாளர்கள் இருவருமே தளபதி என்று பெயர் உள்ளவர்கள் என்பதால் பெயரை சொல்லி வாக்கு கேட்காமல் சின்னங்களை மட்டும் நினைவில் வைத்து ஓட்டுபோட வேண்டும் என ஆதரவாளர்கள் பிரசாரம் செய்து வருகின்றனர்.

பாடப்புத்தகங்களுக்கு கட்டணம்; அதிர்ச்சியில் பள்ளி மாணவர்கள்!

இதில் சுவாரஸ்யம் என்னவென்றால் சூரியன் தளபதி, மாம்பழ தளபதி என வாக்காளர்களிடம் இரு தரப்பை சேர்ந்தவர்கள் வித்தியாசமாக பிரசாரம் செய்து வருவது வாக்காளர்கள் மத்தியில் பெரும் வரவேற்பை பெற்றுள்ளது.