சாதி வேண்டாம் போடா... யுவன் பெயரில் பரவும் செய்தி உண்மையா?

இந்தி தெரியாது போடா என்றும் தமிழ் பேசும் இந்தியன் என்றும் வாசகம் பொறிக்கப்பட்ட டி-ஷர்ட்டை இசையமைப்பாளர் யுவன் ஷங்கர் ராஜாவும் நடிகர் சிரிஷும் அணிந்திருந்த புகைப்படம் ஒன்று சமூக வலைதளங்களில் வைரலானது.

இதையடுத்து “இந்தி தெரியாது போடா” என்ற ஹேஷ்டேகும் ட்விட்டரில் ட்ரெண்ட் ஆகத் தொடங்கியது. இந்நிலையில், சாதி வேண்டாம் போடா என்று வாசகம் பொறிக்கப்பட்ட டி-ஷர்ட்டை யுவன் சங்கர் ராஜா அணிந்திருந்ததாக புகைப்படம் ஒன்று சமூக வலைதளங்களில் வைரலானது.

ஆனால், பார்ப்பதற்கு செயற்கையாகத் தோன்றியதால் அந்த படத்தின் உண்மைத்தன்மை குறித்து அறிய சமயம் தமிழ் உண்மையறியும் குழு முயற்சித்தது. சாதி வேண்டாம் போடா என்ற டி ஷர்ட்டை யுவன் அணிந்திருந்தாரா? உண்மை என்ன?


உண்மை என்ன?

வைரலாகும் படம் உண்மை அல்ல. அது மார்ஃபிங் செய்யப்பட்ட புகைப்படம். கீழ்க்கண்ட படத்தில் இருக்கும் இந்த புகைப்படம் தான் உண்மையாகவே யுவன் ஷங்கர் ராஜா வெளியிட்ட படம்.

நான் ஒரு தமிழ் பேசும் இந்தியன், இந்தி தெரியாது போடா: யுவன், சாந்தனு வைரல் போட்ட



சாதி வேண்டாம் போடா என்று யுவன் ஷங்கர் ராஜா அணிந்திருந்ததாகப் பரவும் செய்தி பொய் என்றும், அந்த படத்தை பகிர வேண்டாம் என்றும் சமயம் தமிழ் வேண்டுகோள் விடுக்கிறது. இது பொய்ச்செய்திகள் வேகமாகப் பரவுவதற்கு ஏற்ற காலம். எனவே சமயம் தமிழ் வாசகர்கள் கவனமோடு இருக்க வேண்டும்.