Fact Check: என்றும் எதிர்க்கட்சி தலைவராக... திமுகவினர் வெளியிட்ட போஸ்டரா?

அதிமுக திமுக ஆகிய இரு கட்சிகள் தான் தமிழகத்தை பொறுத்தவரை முதல்வர் பதவிக்கான கட்சிகள். இந்நிலையில், நிரந்தர எதிர்க்கட்சித் தலைவராக ஸ்டாலின் தான் இருப்பார் என்று மக்கள் முடிவு செய்து விட்டதாக திமுக பிரமுகர் ஒருவர் போஸ்டர் வெளியிட்டுள்ளார் என்று பதிவுகள் வெளியாகின. இந்நிலையில் இதன் உண்மைத்தன்மை குறித்து அறிய சமயம் தமிழ் உண்மையறியும் குழு முயற்சி செய்தது.

பரவும் செய்தி:

என்றும் எதிர்க்கட்சி தலைவராக தளபதி அவர்கள் தான் என்பது மக்கள் முடிவு செய்துள்ளனர். சு. சண்முகம். புதுக்கோட்டை வடக்கு மாவட்ட திமுக இளைஞர் அணி அமைப்பாளர்,’’ என எழுதப்பட போஸ்டர் ஒன்று பரவி வந்தது. இதனைப் பலரும் உண்மை என நம்பி ஷேர் செய்து வருகின்றனர். அத்துடன் நீங்கள் தத்திகளா என்ன என்ற தொனியில் பின்னூட்டங்களையும் அளித்து வருகின்றனர்.


உண்மை என்ன?

இது ஒரு பொய்யான செய்தி. இந்தப் பதிவைப் படிக்கும் போதே வாரத்தைகளின் கோர்வை தடைபடுகிறது. அதிலிருந்தே இந்த இடத்தில் வேறோரு வார்த்தை இருந்திருக்க வேண்டும் என்று கணிக்க முடிகிறது. அத்துடன் மற்ற எழுத்துகள் எல்லாம் திமுக கொடியின் நிறத்திலும் ‘என்றும் எதிர்க்கட்சி தலைவராக’ என்பது மட்டும் ஒழுங்கற்று ஏனோதானோ என்ற வடிவிலும் நிறத்திலும் உள்ளது.

Fact Check: ஸ்டாலின் இறந்தபிறகு நான் தலைவராவேன் என்று கனிமொழி சொன்னாரா?

அதுமட்டுமன்றி இது தொடர்பாக இணையத்தில் தேடியபோது, சில உண்மையறியும் தளங்கள் இதன் உண்மைத்தன்மையை வெளியிட்டிருந்தன. அப்போது, இந்தப் பதிவின் உண்மையான பதிவு என்ன என்பதையும் நம்மால் பார்க்க முடிந்தது.

அதில் “2021இல் தமிழக முதல்வர் தளபதி அவர்களதான் என்று மக்கள் முடிவு செய்து விட்டார்கள்” என்று எழுதப்பட்டிருந்தது. இந்த பதிவைத்தான் எடிட் செய்து பரப்பி வருகின்றனர் விஷ நெட்டிசன்கள்.