தவறான தகவலைப் பகிர்ந்து பாஜகவை ஆபாசமாக விமர்சித்த கவுரி லங்கேஷ் சகோதரி

இடதுசாரி எழுந்தாளர் கவுரி லங்கேஷ் 2 ஆண்டுகளுக்கு முன்னர் மர்ம நபர்களால் அவர் வீட்டில் சுடப்பட்டு படுகொலை செய்யப்பட்டார். இதனால் நாடே அதிர்ச்சியில் உறைந்தது. இவர் தொடர்ந்து பாஜக உள்ளிட்ட இந்துத்துவா கட்சிகளை எதிர்த்து தான் நடத்தி வந்த இதழில் கட்டுரை எழுதி வந்தார்.
அவர் இந்துத்துவா குண்டர்களால் கொல்லப்பட்டு இருக்கலாம் என கணிக்கப்பட்டது. இந்த வழக்கில் இன்னமும் குற்றவாளிகள் கைது செய்யப்படவில்லை. இவரது சகோதரி கவிதா லங்கேஷ் ஒரு ஆவணப்பட இயக்குநர். இவர் தன் டுவிட்டர் பக்கத்தில் பாஜகவையும் பிரதமர் மோடியையும் சாடுவது வழக்கம். டுவிட்டரில் இவரது ரசிகர்கள் பலர், இவரது தீவிர ஃபாலோயர்களாக உள்ளனர்.
இவர் சமீபத்தில் ஒரு பத்திரிகை செய்தியை தன் டுவிட்டர் பக்கத்தில் ஷேர் செய்து இருந்தார். வரதட்சணை வாங்குவது சரிதான் என ஒரு கட்டுரை அதில் இருந்தது. வரதட்சணை வாங்குவதால்தான் அவலட்சணமான பெண்களுக்குத் திருமணம் நடைபெறுகிறது. மேலும் திருமணத்தில் விருப்பம் உள்ள அழகான ஆண்கள்கூட வரதட்சணை பணத்துக்காகத் திருமணம் செய்துகொள்கின்றனர். எனவே வரதட்சனை வாங்குவது சரிதான் என அந்த கட்டுரையில் தெரிவிக்கப்பட்டு இருந்தது. இது குஜராத் பாடப் புத்தகத்தில் சேர்க்கப்பட்டுள்ளது என ஒரு வதந்தி பரவியது.

டைம்ஸ் ஆஃப் இந்தியா பேக்ட் செக் குழு, இச்செய்தி உண்மையானதா என ஆராய்ந்தது. இரண்டு ஆண்டுகளுக்கு முன்னர் பெங்களூரில் உள்ள செயிண்ட் ஜோசப் கல்லூரியில் சமூகவியல் துறையைச் சேர்ந்த ஒரு மாணவர் சமர்ப்பித்த ஆய்வுக் கட்டுரை இது. இதற்கும் குஜராத் பாடத் திட்டத்துக்கும் எந்த சம்பந்தமும் இல்லை.

ஆனால் இதனை சரியாக தெரிந்துகொள்ளாத கவிதா லங்கேஷ், மோடி அரசை சாடுவதாக நினைத்து இதனை தன் டுவிட்டர் பக்கத்தில் ஷேர் செய்திருந்தார். அச்சில் பதிவிட முடியாத ஆபாச வார்த்தைகள் பயன்படுத்தி பதிவிட்டதன் தமிழாக்கம் பின்வருமாறு

‘பெண்கள் முன்னேற்றம் *****, குஜராத் மாநில அரசு பள்ளி சமூக அறிவியல் பாடப்புத்தகத்தின் ஒரு பக்கம் இது. இந்த **** தான் குஜராத் குழந்தைகளுக்கு பாடமாக நடத்தப்படுகிறது’

இவ்வாறு பதிவிட்டு அந்த பக்கத்தை ஷேர் செய்திருந்தார். இது தவறான தகவல். இது 2 ஆண்டுகலுக்கு முன்னர் வந்த பழைய செய்தி என நெட்டிசன் ஒருவர் விளக்கம் அளிக்க, உடனே அப்பதிவினை நீக்கினார் கவிதா லங்கேஷ்.