நாக்பூர்-புனே வழித்தடத்தில் 10 அதிவேக சிறப்பு ரயில்கள்

நாக்பூர்: நாக்பூர் - புனே வழித்தடத்தில் அடுத்த மாதம் முதல் 10 அதிவேக குளிர்சாதன சிறப்பு ரயில்களை இயக்க ரயில்வே திட்டமிட்டுள்ளது.

ரயில் வண்டி எண்: 02124, மார்ச் 1, 8, 15, 22 மற்றும் 29 ஆகிய ஒவ்வொரு செவ்வாய்கிழமையன்றும் நாக்பூரில் இருந்து மாலை 7.50மணிக்கு புறப்படும் சிறப்பு ரயில் மறுநாள் காலை 11.45மணிக்கு புனே சென்றடையும் என தெரிவிக்கப்பட்டுள்ளது.

இதேபோன்று, ரயில் வண்டி எண்: 02123, மார்ச் 2, 9, 16, 23, மற்றும் 30 ஆகிய ஒவ்வொரு புதன்கிழமையும் புனேவில் இருந்து புறப்படும் ரயில் மறுநாள் காலை 5.15மணிக்கு நாக்பூர் சென்றடையும் என மத்திய ரயில்வேயின் நாக்பூர் மண்டலம் தெரிவித்துள்ளது.

இந்த ரயில் இருவழிகளிலும் வர்தா, தமன்கோவான், பட்னேரா, புசாவல், மன்மத், கொபர்கோவான் மற்றும் டவுன்ட் ஆகிய நிறுத்தங்களில் நின்று செல்லும் என தெரிவிக்கப்பட்டுள்ளது.

மேலும், 16 பெட்டிகளை கொண்ட இந்த ரயிலில் ஒரு 1ஏசி, நான்கு 2ஏசி, ஒன்பது 3ஏசி மற்றும் 2 பவர் வேன் ஆகிய வசதிகள் உள்ளதாக ரயில்வே அறிக்கையில் தெரிவிக்கப்பட்டுள்ளது.