அஜித் பவார் பதவியேற்பில் கலந்து கொண்டு என்.சி.பி. க்கு வந்த எம்.எல்.ஏக்கள்

மகாராஷ்டிர அரசியலில் நடந்திருக்கும் திடீர் திருப்பம்தான் இன்று நாடு முழுக்க பேசுபொருளாக உள்ளது. சிவ சேனா கட்சியின் தலைமையில் மாநில ஆட்சி அமையும் என்று எதிர்பார்க்கப்பட்ட நிலையில், யாரும் எதிர்பாராத விதமாக தேவேந்திர ஃபட்னாவிஸ் மீண்டும் முதல்வராக பதவியேற்றுக் கொண்டார்.

இரவு 2 மணிக்கு ஆளுநர் பி.எஸ்.கோஷ்யாரியை சந்தித்த ஃபட்னாவிஸ் தனக்கு தேசியவாதக் காங்கிரஸ் ஆதரவு உள்ளதாக தெரிவித்தார். தேசியவாதக் காங்கிரசின் எம்.எல்.ஏ க்களின் ஆதரவை தேசியவாதக் காங்கிரசின் தலைவர்களில் ஒருவரும், சரத் பவாரின் மருமகனுமான அஜித் பவார் திரட்டிக் கொடுத்துள்ளார்.

இன்று அதிகாலை 2 மணியளவில் நடந்த் ஆளுநர் சந்திப்பின் விளைவாக காலை சுமார் 6 மணியளவில் குடியரசு த்தலைவர் ஆட்சி விலக்கி கொள்ளப்பட்டு, தேவேந்திர ஃபட்னவிஸ் முதலமைச்சராகவும், அஜித் பவார் துணை முதலமைச்சராகவும் பதவிப் பிரமாணம் செய்து வைக்கப்பட்டனர்.

இந்நிலையில், பெரும்பான்மையை நிரூபிக்க சுயேட்சைகள் பலரையும் நம்பி இருப்பதாக முதலமைச்சர் தேவேந்திர ஃபட்னவிஸ் தெரிவித்திருந்தார். அதே சமயம், அஜித் பவாரின் முடிவு தேசிய வாதக் காங்கிரசின் முடிவு அல்ல. அது அவருடைய தனிப்பட்ட முடிவு. கட்சியின் தொண்டர்கள் மற்றும் சட்டமன்ற உறுப்பினர்கள் எங்கள் பக்கம்தான் இருக்கின்றனர். விரைவில் சிவசேனா, காங்கிரஸ், தேசியவாதக் காங்கிரஸ் கூட்டணி ஆட்சி அமையும் என்று தெரிவித்துள்ளார்.

தேசியவாதக் காங்கிரஸ் கட்சியிலிருந்து அஜித் பவாருடன் சென்ற எம்.எல்.ஏக்கள் எத்தனை பேர் என்பதில் ஏகப்பட்ட குழப்பங்கள் இருக்கும் நிலையில், மாலை 4.30 மணியளவில் சரத் பவார் தனது அனைத்து எம்.எல்.ஏக்களையும் ஒரு கூட்டத்திற்கு அழைத்திருந்தார்.

அஜித் பவாரின் பதவியேற்பில் கலந்து கொண்ட எம்.எல்.ஏக்கள் திரும்பி வந்து என்.சி.பியில் இணைந்தனர். இந்த கூட்டத்தில்,
1.திலிப் பங்கர்
2.மானிக் ராவ் கோகடே
3.ராஜேந்திர சிங்னே
4.சந்தீப் ஷிர்சாகர்
5.சுனில் ஷெல்கே
6.சுனில் புசாரா
7.நர்ஹரி ஸிர்வால்
8.தனஞ்சய் முண்டே
9.சுனில் டிங்ரே உள்ளிட்ட எம்.எல்.ஏக்களும் அடங்குவர்.

இந்த கூட்டத்தில் கலந்து கொள்ள அஜித் பவார் உள்ளிட்ட 4 எம்.எல்.ஏக்கள் வரவில்லை என்பது குறிப்பிடத்தக்கது.