தலைநகரில் குறையும் கொரோனா - மக்கள் நிம்மதி

டெல்லியில், கடந்த 24 மணி நேரத்தில், 13 ஆயிரத்து 287 பேருக்கு கொரோனா வைரஸ் தொற்று உறுதி செய்யப்பட்டுள்ளது.தலைநகர் டெல்லியில், கொரோனா வைரஸ் தொற்றின் பரவல் அதிகரித்ததை தொடர்ந்து, முழு ஊரடங்கு அமல்படுத்தப்பட்டு உள்ளது. முழு ஊரடங்கு பலனாக, டெல்லியில் நோய் தொற்றால் பாதிக்கப்படுவோரின் எண்ணிக்கை, கடந்த சில நாட்களாக குறைந்து வருகிறது.

இதன்படி, டெல்லியில் கடந்த 24 மணி நேரத்தில் 13 ஆயிரத்து 287 பேருக்கு கொரோனா பாதிப்பு உறுதி செய்யப்பட்டுள்ளது. மேலும் 300 பேர் சிகிச்சை பலனின்றி உயிரிழந்துள்ளனர். தற்போது டெல்லியில், கொரோனா பாசிட்டிவ் விகிதம் 17.03 சதவீதமாக உள்ளது. இது நேற்று, 17.8 சதவீதமாக இருந்தது.
உருமாற்றமடைந்த கொரோனா பரவுகிறது - மாநில அரசு அதிர்ச்சி தகவல்

நேற்று ஒரே நாளில் மட்டும், டெல்லியில் 14 ஆயிரத்து 71 பேர் நோய்த் தொற்றில் இருந்து குணமடைந்து வீடு திரும்பியுள்ளனர். டெல்லி மாநில சுகாதாரத் துறை வெளியிட்டுள்ள மருத்துவ அறிக்கையின்படி, தற்போது 82 ஆயிரத்து 725 பேர் கொரோனாவுக்கு சிகிச்சை பெற்று வருகின்றனர்.

டெல்லியில் அதிகபட்ச அளவாக, கடந்த ஏப்ரல் மாதம் 22ம் தேதி கொரோனா பாசிட்டிவ் விகிதம் 36.2 சதவீதம் இருந்தது. முழு ஊரடங்கு காரணமாக, கொரோனா பாசிட்டிவ் விகிதம் குறைந்து வருவதாக மருத்துவர்கள் தெரிவித்துள்ளனர்.