மும்பையில் மகளுடன் தேர்வு எழுதிய 43 வயது தாய்

மும்பை : மகாராஷ்ரா தலைநகர் மும்பையில் தனது மகளுடன் , 43 வயதான தாய் ,10 வகுப்பு தேர்வு எழுதியுள்ள சம்பவம் ஆச்சரியத்தை ஏற்படுத்தியுள்ளது.

சரித்தா சகாதே (43 ), என்ற பெண்ணுக்கு ஷிட்டிஜா , ஷுருத்திக்கா ஆகிய இரண்டு மகள்கள் உள்ளனர். சரித்தா சகாதே தனது குடும்பத்துடன் மும்மையில் வசித்து வருகிறார். சரித்தா சகாதே 4 ஆம் வகுப்பு படிக்குபோது தனது குடும்ப பொருளாதார நிலைமையை கருத்தில் கொண்டு பள்ளிக்கு செல்வதை நிறுத்திக்கொண்டார். அதன் பின் திருமணம் செய்துக்கொண்டு தனது குடும்பத்தை கவனித்து வந்தார்.
கடந்த மூன்று ஆண்டுகளுக்கு முன் , மும்பையில் உள்ள் ஒரு இரவு பாடசாலையில் சரித்தா சகாதே 8 ஆம் வகுப்பு சேர்ந்து தனது படிப்பை மீண்டும் தொடர்ந்து வந்தார். அதே நேரம் அவரது இளைய மகளான ஷுருத்திக்காவும் 8 ம் வகுப்பு படித்து வந்தது கவனிக்கத்தக்கது.
இதுகுறித்து சரித்தாவின் மூத்த மகள் ஷிட்டிஜா கூறுகையில் , தனது தங்கையும் ,தாயும் 8 ஆம் வகுப்பு முதல் சேர்ந்து படித்து வருவதாக தெரிவித்தார்.
பின்னர் சரித்தா சகாதே கூறுகையில் , 35 ஆண்டுகளுக்கு பிறகு மீண்டும் பள்ளிக்கு செல்வது தயக்கமாக இருந்தது என்றும் இருப்பினும் தனது கணவர் மற்றும் மகள்கள் கொடுத்த ஊக்கவும் , தன்னம்பிக்கையும் தன்னை பத்தாம் வகுப்பு தேர்வு வரை கொண்டுவந்துள்ளது என்றார்.
இந்த ஆண்டு மும்பையில் மட்டும் ,30 வயதுக்கு மேல் உள்ள , மொத்தம் 1,532 பேர் , 10 ஆம் வகுப்பு தேர்வு எழுதியுள்ளதாக மகாராஷ்ரா கல்விதுறை தெரிவித்துள்ளது.