மூழ்கிய மும்பை-முடங்கிய போக்குவரத்து சேவை.!

மும்பையில் பெய்து வரும் தொடர் கனமழை காரணமாக, 75 விமானங்கள் சேவை ரத்து செய்யப்பட்டுள்ளது.

கடந்த ஒரு வாரமாக, தொடர்ந்து பெய்து வரும் கனழையால், மும்பை நகரமே நீரில் மூழ்கி தீவு போல காட்சியளிக்கிறது. தொடர் மழையின் காரணமாக ரயில் சேவை முற்றிலுமாக பாதிக்கப்பட்டுள்ள நிலையில், தற்போது சாலை போக்குவரத்தும் பாதிக்கப்பட்டுள்ளதாக தகவல்கள் வெளியாகியுள்ளன.

தொடர் மழையின் காரணமாக, மும்பை விமான நிலைய ஓடுபாதை மூடப்பட்டுள்ளது. மேலும் ,மும்பை வரவேண்டிய அனைத்து விமானங்களும் ஐதராபாத் வழியாக திருப்பி விடப்பட்டுள்ளன. மோசமான வானிலை காரணமாக விமானங்களை இயக்க முடியாததால் 75 விமானங்கள் சேவை ரத்து செய்யப்பட்டுள்ளது.

இந்நிலையில் மேலும் 24 மணி நேரத்திற்கு கனமழை தொடரும் என வானிலை ஆய்வு மையம் எச்சரித்துள்ளதால் மும்பை வாசிகள் அச்சத்தில் உள்ளனர். 3 மணிநேரத்திலேயே 100 மி.மீட்டர்க்கும் அதிகமான மழை பதிவாகி உள்ளது குறிப்பிடத்தக்கது.

75 flight services are cancelled in Mumbai because of heavy rain.