இந்தாண்டு நீட் உட்பட எந்த தேர்வுக்கும் ஆதார் கட்டாயமில்லை; உச்சநீதிமன்றம்

இந்தாண்டு நீட் உட்பட எந்த தேர்வுக்கும் ஆதார் கட்டாயமில்லை என்றும் அதற்கு பதிலாக வேறு அடையாள அட்டையை பயன்படுத்திக் கொள்ளலாம் என்றும் உச்சநீதிமன்றம் உத்தரவிட்டுள்ளது.

மருத்துவம் படிப்புக்கான நீட் தேர்வுக்கு விண்ணப்பிக்க ஆதார் எண் கட்டாயம் என்று கூறியிருந்தது. இதற்கு எதிராக உச்சநீதிமன்றத்தில் வழக்கு ஒன்று தொடரப்பட்டது. உச்சநீதிமன்ற தலைமை நீதிபதி தீபக் மிஸ்ரா தலைமையில் 5 நீதிபதிகள் கொண்ட அமர்வில் இந்த வழக்கு விசாரிக்கப்பட்டது.

வழக்கை விசாரித்த நீதிபதிகள், இந்தாண்டு மட்டும் நீட் உட்பட எந்த ஒரு அகில இந்திய தேர்வுக்கும் ஆதார் கட்டாயமில்லை என்று உத்தரவிட்டனர். மேலும், ஆதார் எண்ணுக்கு பதிலாக ஓட்டுநர் உரிமம், வாக்காளர் அடையாள அட்டை போன்றவை பயன்படுத்திக் கொள்ளலாம் என்றும் நீதிபதிகள் உத்தரவிட்டனர்.