அந்தவொரு போஸிற்கு தான் இப்படியொரு காத்திருப்பு - வைரலாகும் சிறுத்தைப் புலி!

புகைப்படம் என்பது ஓர் அற்புதமான கலை. இதற்காகவே தங்களை அற்பணித்தவர்கள் ஏராளம் இருக்கிறார்கள். ஆச்சரியமூட்டும், அரிய புகைப்படங்கள் நம் வாழ்வில் மறக்க முடியாத ஒன்றாக மாறிவிடுகின்றன. அந்த வகையில் புனேவைச் சேர்ந்த புகைப்படக் கலைஞரின் முயற்சி தான், தற்போது இணையத்தின் பேசுபொருளாக மாறியிருக்கிறது. இவரது பெயர் அபிஷேக் பக்னிஸ். இவர் தனது முதல் வனச் சுற்றுலாவிற்காக மகாராஷ்டிராவில் உள்ள டடோபா காடுகளுக்குச் சென்றுள்ளார். அங்கு கருப்பு நிற சிறுத்தைப் புலியை சரியான போஸில் படம்பிடிக்க இரண்டு மணி நேரம் காத்திருந்துள்ளார்.

அதைப் படம் பிடித்துவிட வேண்டும் என்றும், அதுவரை அந்த இடத்தில் இருந்து நகரக் கூடாது என்றும் முடிவு செய்துள்ளார். இவரது காத்திருப்பிற்கு பலன் கிடைத்தது. அரிய வகையிலான கருப்பு நிற சிறுத்தைப் புலி கேமராக்களின் கண்களில் சிக்கியது. அதை அப்படியே படமாக்கி அபிஷேக் பத்திரப்படுத்திக் கொண்டார். இதுபற்றி அவர் கூறுகையில், இதுதான் எனது முதல் வனச் சுற்றுலா.

விஜய் நடித்த ’நண்பன்’ பட பாணியில் வீடியோ கால் பிரசவம் - ’ஆல் இஸ் வெல்’ பேபி!

நாங்கள் பெரும்பாலும் புலிகளுக்காகத் தான் காத்திருந்தோம். நினைத்ததைப் போலவே ஏராளமான புலிகளைப் படம் பிடித்துவிட்டோம். அதன்பிறகு கருப்பு நிற சிறுத்தைப் புலிக்காக காத்திருக்க முடிவு செய்தோம். சிறுத்தைப் புலி வருவதற்கு முன்பாக மான்கள் உள்ளிட்ட விலங்குகள் அலறல் சத்தம் கேட்டது. அப்போது புதர் ஒன்றின் அருகில் தண்ணீர் குடித்துக் கொண்டிருப்பதைக் கண்டேன்.

இதையடுத்து சரியான நிலையில் படம் பிடிக்க 20 நிமிடங்கள் காத்திருந்தேன். அதன்பிறகு சிறப்பான போஸிற்காக 15 நிமிடங்கள் காத்திருந்தேன். இப்படியே நேரம் ஓடியது. எங்கே சிறுத்தைப் புலியை தவறவிட்டு விடுவேனோ என்று அச்சம் ஏற்பட்டது. ஆனால் தொடர் காத்திருப்பிற்கு பலன் கிடைத்தது. அந்தவொரு நொடி சரியான போஸில் சிறுத்தைப் புலியை அட்டகாசமாக படம் பிடித்துவிட்டேன்.

ஒருபக்கம் மழை, மறுபக்கம் வனவிலங்குகள், நடுவே ஆன்லைன் கிளாஸ் - பதற்றத்தில் மாணவர்கள்!

அந்த மனநிறைவை வார்த்தைகளால் விவரிக்க முடியாது. இந்த புகைப்படம் தான் தற்போது இணையத்தில் வைரலாகிக் கொண்டிருக்கிறது. இதேபோல் கர்நாடகாவின் கபினி வனப்பகுதிக்குள் கருப்பு நிற சிறுத்தைப் புலி ஒன்று படம்பிடிக்கப்பட்டுள்ளது. அதுவும் சமூக வலைதளங்களில் வைரலாகிக் கொண்டிருக்கிறது. ஆனால் நான் படம்பிடித்தது செமி மெலானிஸ்டிக்(Semi Melanistic) நிறத்திலான சிறுத்தைப் புலி என்று பெருமிதத்துடன் கூறினார்.