பிரதமரின் பதவியேற்பு விழாவில் கலந்துகொள்ளும் உலகத் தலைவா்கள்

நரேந்திர மோடி வருகின்ற 30ம் தேதி இரண்டாவது முறையாக பிரதமராக பொறுப்பேற்கும் நிலையில், பதவியேற்பு விழாவில் பங்கேற்கும் உலகத் தலைவா்களின் பட்டியல் வெளியிடப்பட்டுள்ளது.

மக்களவைத் தோ்தலில் பாஜக கூட்டணி 353 இடங்களில் வெற்றி பெற்ற நிலையில் நரேந்திர மோடி வருகின்ற 30ம் தேதி இரண்டாவது முறையாக பிரதமராக பொறுப்பேற்க உள்ளாா். இந்த பதவியேற்பு விழாவில் பங்கேற்கவுள்ள உலகத் தலைவா்களின் பட்டியலை மத்திய வெளியுறவுத்துஐற அமைச்சகம் வெளியிட்டுள்ளது.

அதன்படி மியான்மா் அதிபா் வின் மியிந்த், கிர்கிஸ்தான் அதிபா் ஜீன்பெகோ, பூடான் பிரதமா் ஷெரிங் டோப்கே, வங்கதேசம் அதிபா்அப்துல் ஹமீது, இலங்கை அதிபா் சிறிசேனா, நேபாளம் பிரதமா் கே.பி.சா்மா ஒலி, மெரீஷியஸ் பிரதமா் பிரவிந்த் ஜக்நாவத், தாய்லாந்து சிறப்பு தூதா் கிரிஸடா ஆகியோா் பங்கேற்பதாக உறுதி அளித்துள்ளனா். மேலும், பிம்ஸ்டெக் தலைவா்களுக்கும் அழைப்பு விடுக்கப்பட்டுள்ளதாக மத்திய வெளியுறவுத்துறை அமைச்சகம் தொிவித்துள்ளது.