இனி 60க்கு மேல போனாலே 50% தள்ளுபடி: ஏர் இந்தியா அதிரடி

டெல்லி: இனி 60 வயதுக்கு மேலானால், அவர்களுக்கு 50% தள்ளுபடி வழங்கப்படும் என்று ஏர் இந்தியா தெரிவித்துள்ளது.

இந்தியாவில் செயல்பட்டு வரும் ஏர் இந்தியா நிறுவனம், மூத்த குடிமக்களுக்கு சிறப்பு சலுகைகளை வழங்கி வருகிறது. அதில் குறிப்பாக 63 வயதுக்கு மேல் இருப்பவர்கள், ஏர் இந்தியா விமானங்களில் பயணித்தால் 50% கட்டண சலுகை அளிக்கப்படும் என்ற திட்டம் உள்ளது. அதில் மாற்றம் செய்து, ஏர் இந்தியா புதிய அறிவிப்பு ஒன்றை வெளியிட்டுள்ளது. அதன்படி, இனி வரும் காலங்களில் மூத்த குடிமக்கள் 60 வயதுக்கு மேல் சென்றாலே 50% கட்டண சலுகை என்று தெரிவிக்கப்பட்டுள்ளது.

அந்த வசதி ஏர் இந்தியா விமானத்தின் எகானமி இருக்கையில் பயணிப்பவர்களுக்கு மட்டுமே பொருந்தும். மேலும் உள்நாட்டில் பயணம் செய்யும் பயணிகளுக்கு மட்டுமே, இந்த திட்டம் செல்லுபடியாகும் என்று அறிவிக்கப்பட்டுள்ளது. எனவே, ஏர் இந்தியா விமானத்தில் செய்யும் மூத்த குடிமக்கள் அந்த சலுகையை பெற விரும்பினால், அவர்கள் வாக்காளர் அடையாள அட்டை, பாஸ்போர்ட், ஓட்டுநர் உரிமம் உள்ளிட்ட ஏதேனும் ஒரு அடையாள அட்டையை காண்பிக்க வேண்டும்.

National carrier Air India has lowered the age limit to 60 for availing travel concession under its scheme for senior citizens.