ரயில் டிக்கெட் முன்பதிவு.அனைத்து வங்கி ஏ.டி.எம். கார்டு செல்லும்.!

இணையதளம் மூலம் ரயில் டிக்கெட் முன்பதிவு செய்பவர்கள் அனைத்து வகையான வங்கி ஏ.டி.எம். அட்டைகளையும் பயன்படுத்தலாம் என இந்திய ரயில்வே நிர்வாகம் அறிவித்துள்ளது.

தற்போது ஏராளமான பயணிகள், ஐ.ஆர்.சி.டி.சி. இணையதளம் மூலம் வீட்டில் இருந்து கொண்டே ரயில் டிக்கெட்டுகளை முன்பதிவு செய்து கொள்ளும் வசதி நடைமுறையில் இருந்து வருகிறது. இதுவரை இணையதளம் மூலமாக பதிவு செய்யப்படும் முன்பதிவு டிக்கெட்டுகள் அனைத்து வங்கி டெபிட், கிரெடிட் கார்டுகள் மூலமாக எடுக்கப்பட்டு வந்தது.

இந்த நிலையில் ரயில் டிக்கெட் முன்பதிவிற்கு ஐ.ஆர்.சி.டி.சி. இணையதளத்தில் சில வங்கிகளின் ஏ.டி.எம்., கிரெடிட் அட்டைகளுக்கு தடை மற்றும் கட்டுப்பாடு விதிக்கப்பட்டிருப்பதாக செய்திகள் வெளியாகி இருந்த நிலையில் தற்போது அனைத்து வங்கி ஏ.டி.எம். அட்டைகளையும் பயன்படுத்தலாம் என ஐ.ஆர்.சி.டி.சி. அறிவித்துள்ளது.

மேலும், மாஸ்டர் அல்லது விசா வசதியுடைய இந்தியாவை சேர்ந்த அனைத்து வங்கிகளின் ஏ.டி.எம். மற்றும் கிரெடிட் அட்டைகளை பயன்படுத்தி, ஐ.ஆர்.சி.டி.சி. இணையதளத்தில் முன்பதிவு செய்யலாம் என இந்திய ரயில்வே நிர்வாகம் அறிவித்துள்ளது.

All debit cards are accepted for reserving the train ticket-irctc