பாஜக ஆட்சியில்தான் அதிக ஊழல்: உளறிக்கொட்டிய பாஜக தலைவர் அமித்ஷா!!

பாஜகவின் தேசிய தலைவர் அமித் ஷா, தனது சொந்த கட்சியைச் சேர்ந்த எடியூரப்பாவின் ஆட்சியில்தான் அதிக ஊழல்கள் நடந்ததாக கூறிய சம்பவம் அதிர்ச்சியை ஏற்படுத்தியுள்ளது.

கர்நாடக மாநிலத்திற்கான சட்டமன்றத் தேர்தல் மே 12 ஆம் தேதி நடைபெற உள்ளதாக தேர்தல் ஆணையம் அறிவித்துள்ளது. இந்தத் தேர்தலில் வெற்றி பெறுவதற்காக காங்கிரஸ் கட்சியும் மற்றும் பாஜக கட்சியும் தீவிர பிரச்சாரத்தில் ஈடுபட்டு வருகின்றனர்.

இந்நிலையில் பாஜக கட்சியின் தேசிய தலைவர் அமித் ஷா, பாஜக கட்சிக்காக பிரச்சாரம் செய்வதற்காக கர்நாடகா சென்றுள்ளார். அங்கு செய்தியாளர் சந்திப்பில் பேசிய அவர், தனது கட்சியைச் சேர்ந்த பாஜக முதல்வர் வேட்பாளரான எடியூரப்பாவின் ஆட்சியில் தான் அதிக ஊழல் நடந்ததாக தவறுதலாக தெரிவித்துள்ளார். அப்போது, அவர் அருகில் அமர்ந்திருந்த எடியூரப்பா, இதைக் கேட்டதும் அதிர்ச்சிக்கு உள்ளானார்.

இதையடுத்து, அமித் ஷா அருகில் இருந்தவர் அவரை திருத்தவே, உடனே காங்கிரஸ் கட்சி என்று மாற்றிக்கொண்டார். இந்த சம்பவம் தற்போது இணையத்தில் வேகமாக பரவி வருகிறது. காங்கிரஸ் கட்சி தலைவர்கள் ராகுல்காந்தி, சித்தராமையா உள்ளிட்டோர் தங்கள் ட்விட்டர் பக்கத்தில் இந்த வீடியோவைப் பகிர்ந்து, அமித் ஷாவை கிண்டல் செய்து வருகின்றனர்.