திருப்பதி பக்தர்களுக்கு ஷாக் நியூஸ்..! சுங்கக்கட்டணம் அதிரடி உயர்வு

கொரோனா ஊரடங்கிற்கு பிறகு திருப்பதி ஏழுமலையான் கோயில் இயல்பு நிலைக்கு மாறியுள்ளது. பல மாநிலங்களில் இருந்தும் வழக்கம்போல பக்தர்கள் வந்துச் செல்கின்றனர். இந்த நிலையில் திருப்பதிக்கு செல்லும் மலை பாதையில் வாகனங்களுக்கு வசூலிக்கப்பட்டு வரும் சுங்கக்கட்டணத்தை உயர்த்தக்கோரி கடந்த ஆண்டு மார்ச்சில் தேவஸ்தானம் போர்டு திட்டமிட்டது.

அதனை தொடர்ந்து, ஆந்திர அரசிடம் திருப்பதி தேவஸ்தானம் பரிந்துரை செய்திருந்தது. இதையடுத்து, திருப்பதி அலிபிரி மலை பாதையில் செல்லும் வாகனங்களின் சுங்க கட்டணத்தை அரசு உயர்த்தியுள்ளது.

பக்தர்களின் நீண்ட நாள் ஆசை, திருப்பதியில் விரைவில் அமையப்போகிறது..!

அதன்படி, அலிபிரி மலை பாதையில் செல்லும் கார்களுக்கு வசூலிக்கப்பட்டு வந்த சுங்கக்கட்டணம் 15 ரூபாயிலிருந்து 50 ரூபாவாகவும், மினி லாரிகளுக்கு 50 ரூபாயிலிருந்து 100 ரூபாவாகவும் உயர்த்தப்பட்டுள்ளது. இதனால், திருப்பதிக்கு செல்லும் பக்தர்களும், வாகன ஓட்டுநர்களும் அதிருப்தி அடைந்துள்ளனர். இந்த கட்டண நடைமுறை விரைவில் அமலுக்கு வரும் என்று தெரிவிக்கப்பட்டுள்ளது.