81 லட்சம் ஆதார் அட்டைகள் முடக்கம்! உங்கள் ஆதார் ஆக்டிவாக உள்ளதா?

நாடு முழுவதும் சுமார் 81 லட்சம் ஆதார் எண்கள் முடக்கப்பட்டுள்ளதாக மத்திய அரசு தகவல் அளித்துள்ளது.

சமையல் எரிவாயு சிலிண்டர் மானியம், வருமான வரி தாக்கல், வங்கி கணக்கு, ரேஷன் கார்டு உள்ளிட்ட பல விஷயங்களில் ஆதார் எண் இணைப்பு கட்டாயம் என்று மத்திய அரசு அறிவித்துள்ளது. அண்மையில், இறப்புச் சான்றிதழ் பெறவும் ஆதார் எண் கட்டாயம் என்று அறிவிக்கப்பட்டுள்ளது.

இந்நிலையில், நாடு முழுவதும் சுமார் 81 லட்சம் ஆதார் எண்கள் முடக்கப்பட்டுள்ளதாக மத்திய அரசு வெளியிட்டுள்ள தகவலில் தெரிவிக்கப்பட்டுள்ளது.

2016ஆம் ஆண்டு ஆதார் சட்டத்தில் குறிப்பிட்டுள்ள ஆதார் அட்டை பெறுவது தொடர்பான விதிமுறைகள் 27 மற்றும் 28வது பிரிவுகளின் கீழ் சுமார் 81 லட்சம் ஆதார் எண்கள் முடக்கப்பட்டுள்ளன.

அந்தந்த மாநிலங்களில் உள்ள ஆதார் மையங்களில் உள்ள அதிகாரிகளே ஆதார் எண்ணை இவ்விதிகளின் படி முடக்க முடியும் என்றும் மத்திய அரசு தெரிவித்துள்ளது.

அண்மையில் 11.45 லட்சம் பான் அட்டைகள் முடக்கப்பட்டதாக வருமான வரித்துறை அறிவித்தது நினைவுகூரத்தக்கது.

உங்கள் ஆதார் ஆக்டிவாக உள்ளதா? சோதிக்க எளிய வழி!