காங்கிரசை கைவிட்ட 42 எம்.எல்.ஏக்கள்

60 உறுப்பினர்களை கொண்ட அருணாச்சல பிரதேசத்தின் சட்டமன்றத்தில் காங்கிரஸ் கட்சியில் 46 உறுப்பினர்களும், பாஜகவில் 11 உறுப்பினர்களும் உள்ளனர்.

காங்கிரஸ் கட்சியில் இருக்கும் 46 உறுப்பினர்களில் அருணாச்சல பிரதேசத்தின் முதல்வர் பிமா கண்டு உள்பட 42 எம்.எல்.ஏக்கள் காங்கிரஸ் கட்சியிலிருந்து விலகி அம்மாநிலத்தின் மக்கள் கட்சியில் இன்று இணைந்துள்ளனர். இவர்களைத் தவிர மற்ற சில எம்.எல்.ஏக்கள் மற்றும் முன்னாள் முதல்வர் நபம் துகி ஆகியோர் மட்டும் காங்கிரஸ் கட்சியில் நீடித்து வருகின்றனர்.

பாஜகவின் கிமந்தா பிஸ்வா சர்மாவால் தொடர்ந்து நடத்தப்பட்டு வரும் வடகிழக்கு ஜனநாயகக் கூட்டணி கட்சியை பாஜக தலைவர் அமித் ஷா கடந்த மே மாதம் தொடங்கினார் என்பது குறிப்பிடத்தக்கது. தற்போது இதன் ஒரு பகுதியாக மக்கள் கட்சி செயல்பட்டு வருகிறது.

1976ம் ஆண்டு அருணாச்சல மக்கள் கட்சி நிறுவப்பட்டது. தற்போது மாநிலத்தின் பிராந்திய கட்சியாக உள்ளது.