பீகார் அரசின் ஏமாற்றுச் செயல்: நக்சலைட்கள் கொன்ற வீரரின் குடும்பத்திற்கு வழங்கிய செக் பவுன்ஸ்!

சத்தீஸ்கர் மாநிலத்தில் நக்சலைட்களால் கொல்லப்பட்ட சிஆர்பிஎஃப் வீரரின் குடும்பத்திற்கு, பீகார் மாநில அரசு வழங்கிய காசோலை பணமின்றி திரும்பிய சம்பவம் அதிர்ச்சியை ஏற்படுத்தியுள்ளது.

சத்தீஸ்கர் மாநிலம், சுக்மா மாவட்டத்தில் கடந்த ஏப்ரல் 24ம் தேதியன்று நக்சலைட்கள் திடீர் தாக்குதல் நடத்தினர். அப்போது, 24 வீரர்கள் சம்பவ இடத்திலேயே பரிதாபமாக உயிரிழந்தனர். இவர்களில் 6 பேர் பீகார் மாநிலத்தைச் சேர்ந்தவர்கள் ஆவர்.

வீரமரணம் அடைந்த இந்த 6 வீரர்களின் சடலங்களும், பீகார் மாநிலம் கொண்டுவரப்பட்டபோது, அம்மாநில அரசு சார்பாக ஒரு அமைச்சர் கூட இறுதி அஞ்சலி செலுத்த வரவில்லை.

அதேசமயம், இந்த 6 வீரர்களுக்கும், ரூ.5 லட்சத்திற்கான காசோலை வழங்கப்பட்டது. இதில், ஷேக்புரா மாவட்டத்தைச் சேர்ந்த ரஞ்சித் குமார் என்ற வீரரின் மனைவிக்கு வழங்கப்பட்ட காசோலை, அம்மாவட்ட ஆட்சியரின் கையெழுத்து செல்லுபடி ஆகாத காரணத்தால் வங்கியில் இருந்து திரும்பியுள்ளது.

Bihar: The cheque of Rs 5 lakh issued by the Nitish Kumar government to the kin of Sukma attack martyr Ranjeet Kumar has bounced.