மேடையில் 45 புஷ்-அப் செய்து அசத்திய திரிபுரா முதல்வர்

திரிபுரா முதல்வர் பிப்லப் டெப் பொதுமேடையில் புஷ்-அப் சவாலில் வெற்றி பெற்று கலக்கியிருக்கிறார்.

பாஜகவைச் சேர்ந்த திரிபுரா மாநில முதல்வர் பிப்லப் டெப் சனிக்கிழமை நடைபெற்ற விவாத கருத்தரங்கம் ஒன்றில் கலந்துகொண்டார்.

அப்போது, பேசிய அவர் தான் தினமும் உடற்பயிற்சிகள் செய்துவருவதாகவும் 10 முதல் 15 நிமிடங்களில் 150 புஷ்-அப் செய்துகாட்ட முடியும் என்று குறிப்பிட்டார். உடனே, அந்த கருத்தரங்களின் ஒருங்கிணைப்பாளர் பிப்லப் 45 புஷ்-அப் இப்போதே செய்து காட்ட முடியுமா என சவால் விட்டார்.

இதனை ஏற்ற பிப்லப் மேடையிலேயே இடைவெளி இல்லாமல் 45 புஷ்-அப் செய்து சவாலில் வெற்றி பெற்று அசத்தினார். இதே நிகழ்ச்சியில் பாஜக எம்.பி., பாபுல்சுப்ரியோவும் கலந்துகொண்டார். அவருக்கும் இதே சவால் விடுக்கப்பட்டபோது அவர் அதனை ஏற்க மறுத்துவிட்டார்.