காங்கிரஸ் உடன் கூட்டணி சேர்ந்த பாஜக- மிசோரமில் திருப்புமுனை

மாவட்ட கவுன்சில் நிர்வாகத்தை மேற்கொள்ள, மிசரோம் மாநிலத்தில் பாரதிய ஜனதா, காங்கிரஸ் கட்சிகள் இரண்டும் ஐக்கிய சட்டசபை கட்சி (யுஎல்பி) என்ற பெயரில் கூட்டணியில் இணைந்துள்ளன.

மிசரோமில் தன்னாட்சி பெற்ற கவுன்சிலாக சக்மா பூர்வகுடிகள் வாழும் பகுதி உள்ளது. இதிலுள்ள 20 இடங்களில் 19 இடங்களுக்கு தேர்தல் நடந்தது. அதில் 8 இடங்களில் மிசோ தேசிய முன்னணி, 6 இடங்களில் காங்கிரஸ் மற்றும் 5 இடங்களில் பாஜக ஆகியவை வெற்றிபெற்றன.

ஆனால் இந்த தேர்தலில் எந்தகட்சிக்கும் பெருமான்மை கிடைக்கவில்லை. இதன் காரணமாக ஐக்கிய சட்டசபை கட்சி (யுஎல்பி) என்ற பெயரில் காங்கிரஸ் மற்றும் பாஜக இரண்டும் கூட்டணி அமைத்துள்ளன.

அதன்படி மிசரோமின் பாஜகவை சேர்ந்த சாந்தி ஜிபான் சக்மா மாவட்ட கவுன்சிலின் தலைவராக தேர்வு செய்யப்பட்டுள்ளார். தொடர்ந்து புத்த லீலா சக்மா துணைத்தலைவராக தேர்வு செய்யப்பட்டுள்ளார்.

மிசரோம் மாநிலத்தின் காங்கிரஸ் மற்றும் பாஜக-வின் கூட்டணியால் மத்தியரசியலிலோ அல்லது வருகிற பாராளுமன்ற தேர்தலிலோ எந்த பாதிப்பும் ஏற்படாது என அம்மாநில விளையாட்டு துறை அமைச்சரும் காங்கிரஸின் தலைவருமான ஜோடின்ட்லங்கா கூறியுள்ளார்.