இல.கணேசன் ஆளுநராக பதவியேற்பு: மணிப்பூரில் கோலாகலம்!

மணிப்பூர் மாநிலத்தின் 17ஆவது ஆளுநராக தமிழக பாஜகவின் மூத்த தலைவர் இல.கணேசன் பதவியேற்றுக்கொண்டார்.

2014ஆம் ஆண்டு மோடி தலைமையில் பாஜக அரசு ஆட்சிக்கு வந்ததிலிருந்து பாஜகவைச் சேர்ந்தவர்கள், ஆர்.எஸ்.எஸ் பின்னணி கொண்டவர்கள் ஆளுநர்களாக பல மாநிலங்களில் அமரவைக்கப்படுகின்றனர்.

தமிழக பாஜகவில் உள்ளவர்களுக்கும் இப்பதவிகள் வழங்கப்படுகின்றன. 2015ஆம் ஆர்.எஸ்.எஸ் மற்றும் பாஜகவின் மூத்த தலைவர்களில் ஒருவரான சண்முகநாதன், மேகாலயா மாநில ஆளுநராக நியமிக்கப்பட்டார்.
மதன் வெளியிட்ட அடுத்த வீடியோ: இந்த முறை சிக்கினார் அண்ணாமலை
பின்னர் 2019ஆம் ஆண்டு தமிழக பாஜக தலைவராக இருந்த தமிழிசை சவுந்தரராஜன், தெலுங்கானா மாநில ஆளுநராக நியமிக்கப்பட்டார். தற்போது புதுச்சேரி துணை நிலை ஆளுநராகவும் அவர் கூடுதல் பொறுப்பு வகித்து வருகிறார்.

அந்த வரிசையில் பாஜக மூத்த தலைவராக இருந்த இல.கணேசனை மணிப்பூர் மாநில ஆளுநராக நியமித்து குடியரசுத் தலைவர் ராம்நாத் கோவிந்த் அண்மையில் அறிவிப்பு வெளியிட்டார்.

மணிப்பூர் மாநில கவர்னராக இருந்த நஜ்மா ஹெப்துல்லாவின் பதவிக்காலம் கடந்த 10ஆம் தேதியுடன் நிறைவடைந்தது. இதைத் தொடர்ந்து, மணிப்பூர் ஆளுநராக இல. கணேசன் பதவியேற்றுக்கொண்டார். மணிப்பூர் உயர் நீதிமன்ற தலைமை நீதிபதி வி. சஞ்சய் குமார் அவருக்கு பதவிப் பிரமாணம் செய்து வைத்தார்.
இனி ஒர்க் ஃப்ரம் ஹோம்தான்: கர்நாடக அரசு அறிவிப்பு!
சிறுவயதிலிருந்தே ஆர்.எஸ்.எஸில் பணியாற்றிய இல கணேசன் கடந்த முப்பதாண்டுகளாக பாஜக தேசிய செயற்குழு உறுப்பினராக உள்ளார். தற்போது ஆளுநராக நியமிக்கப்பட்டுள்ளதால் அந்த பொறுப்பிலிருந்து விலகியுள்ளார்.