ஆளும் கட்சி நாங்கதான், எதிர் கட்சியும் நாங்கதான்: உமா பாரதி தெனாவட்டு

உத்தரப் பிரதேசத்தில் ஆட்சியைப் பிடித்துள்ள பாஜக எதிர்க் கட்சியாகவும் செயல்பட வேண்டும் என்று மத்திய அமைச்சர் உமா பாரதி கூறியுள்ளார்.

உத்தரப் பிரதேச மாநிலத்தில் நடந்து முடிந்த சட்டப்பேரவைத் தேர்தலில் 324 தொகுதிகளில் வரலாறு காணாத வெற்றியுடன் பாஜக ஆட்சி அமைத்துள்ளது. அம்மாநில முதல்வராக யோகி ஆதித்யநாத் பதவியேற்றுள்ளார்.

இந்நிலையில், உத்தரப் பிரதேசத்தில் யோகி ஆதித்யநாத் தலைமையில் பாஜக ஆட்சி அமைத்துள்ளது பற்றி இன்று பேட்டியளித்த மத்திய நீர்வளத்துறை அமைச்சர் உமா பாரதி உத்தரப் பிரதேசத்தில் பாஜக எதிர்க்கட்சியின் பொறுப்பையும் சேர்த்து கவனிக்க வேண்டும் என்று தெரிவித்தார்.

மற்ற கட்சிகளை எல்லாம் புறக்கணித்து மக்கள் பாஜகவுக்கு வரலாறு காணாத ஆதரவைத் தந்துள்ளனர். இதனால், அரசு தவறு ஏதும் நேராத வகையில் செயல்பட எதிர்க்கட்சியின் நிலையிலும் இருந்து ஆட்சி நடத்த வேண்டியிருக்கிறது என்று அவர் கூறினார்.