பிரபல ஆங்கில நாளிதழான டைம்ஸ் ஆப் இந்தியா, குஜராத் தேர்தலில், எந்த எந்தெந்த பகுதி மக்கள், யாருக்கு வாக்களித்தார்கள் என்பதை குறித்த விபரங்களை திரட்டியுள்ளது.
அதன்படி, குஜராத்தில் நகர்புற மக்கள் மட்டுமே பாஜகவுக்கு வாக்களித்துள்ளனர். மாறாக, கிராமப்புற மக்களில் பெரும்பாலோனார் பாஜகவை புறந்தள்ளி மற்ற கட்சிகளுக்கு வாக்களித்துள்ளனர்.
பாஜகவைப் பொறுத்த வரையில், ஏழை மற்றும் கிராமப்புற மக்களின் நலனில் அக்கறை காட்டுவதில்லை என்ற குற்றச்சாட்டுக்கள் நெடு நாட்களாக வந்து கொண்டிருந்தது.
தமிழகத்திலும் கூட மத்திய அரசின் எந்தவொரு அறிவிப்பு வெளியானாலும், ஏழை மற்றும் கிராமப்புற மக்களே பெரிதும் பாதிக்கப்பட்டனர்.
ரூபாய் நோட்டு தடை விதித்த போது, பெரும் செல்வந்தர்கள், மேல்தட்டு மக்கள் அனைவரும், விபரம் அறியாத ஏழை மக்களிடம் பணத்தை மாற்றிக் கொண்டனர்.
அதே போல், மத்திய அரசின் நீட் தேர்விலும், கிராமப்புற மாணவர்களே பெரிதும் பாதிக்கப்பட்டனர்.
இந்நிலையில், குஜராத் தேர்தலின் முடிவு, கிராமப்புற மக்கள் மத்திய பாஜகவின் மீதான வெறுப்பையே வெளிக்கொண்டுள்ளது.