ஆப்நகரம்

ஈராக்கில் 39 இந்தியர்கள் படுகொலை; உடல்கள் இன்று கொண்டுவரப்பட்டது

ஈராக்கில் 4 ஆண்டுகளுக்கு முன்பு கடத்தப்பட்ட இந்தியர்கள் பயங்கரவாதிகள் தாக்குதலில் 39 இந்தியர்கள் உயிரிழந்துள்ள நிலையில், அவர்களின் 38 பேரின் உடல்கள் இந்தியா கொண்டுவரப்பட்டுள்ளது.

Samayam Tamil 2 Apr 2018, 2:59 pm
ஈராக்கில் 4 ஆண்டுகளுக்கு முன்பு கடத்தப்பட்ட இந்தியர்கள் பயங்கரவாதிகள் தாக்குதலில் 39 இந்தியர்கள் உயிரிழந்துள்ள நிலையில், அவர்களின் 38 பேரின் உடல்கள் இந்தியா கொண்டுவரப்பட்டுள்ளது.
Samayam Tamil Webp.net-gifmaker


கடந்த 2014ம் ஆண்டு கட்டுமான பணிக்காக ஆயிரக்கணக்கான வடஇந்தியர்கள் ஈராக் சென்றனர். அப்போது அங்கு ஐ.எஸ் பயங்கரவாதிகளின் ஆதிக்கம் அதிகமாக இருந்தது. இதனையடுத்து ஈராக்கின் மொசூல் நகரில் சுமார் 30 இந்தியர்கள் காணமால் போயினர்.

பின்னர், 2017ம் ஆண்டு மொசூல் அருகே உள்ள சிறையில் 39 இந்தியர்கள் அடைத்து வைக்கப்பட்டிருந்ததாகவும், அந்த சிறையை ஐ.எஸ் பயங்கரவாதிகள் தகர்த்து விட்டதாகவும் செய்திகள் வெளியாகியது. இதனால், அங்கிருந்த இந்தியர்கள் உயிரிழந்திருக்கலாம் என்று கூறப்பட்டது.

இதனை உறுதி செய்த வெளியுறவுத்துறை அமைச்சர் சுஷ்மா சுவராஜ், மொசூல் மற்றும் பாதுஷ் பகுதியில் உள்ள இடுகாடுகளில் தோண்டுடி எடுக்கப்பட்ட உடல்களை டிஎன்ஏ சோதனை செய்ததில் அவர்கள் நமது இந்தியர்கள் என்று கடந்த மார்ச் 20ம் தேதி நாடாளுமன்றத்தில் தெரிவித்தார். மேலும், உயிரிழந்த இந்தியர்களின் குடும்பங்களுக்கு இரங்கல் தெரிவித்த சுஷ்மா, அவர்களது உடல்களை இந்தியா கொண்டு வர துரித நடவடிக்கை எடுக்கப்படும் என்றும் உறுதியளித்தார்.

அதன்படி, படுகொலை செய்யப்பட்ட இந்தியர்களின் உடல்களைப் பெறுவதற்காக வெளியுறவுத்துறை இணையமைச்சர் வி.கே.சிங், நேற்று மொசூல் சென்றார்.

இந்நிலையில், படுகொலை செய்யப்பட்ட 39 பேரில் 38 இந்தியர்களின் உடல்கள் இந்தியா கொண்டுவரப்பட்டது. ஒருவரது உடல் மட்டும் டிஎன்ஏ 75% மட்டுமே பொருந்தியதால், அந்த உடலை கொண்டு வரவில்லை.

இவர்களில் 27 பேரின் உடல் பஞ்சாப் மாநிலத்துக்கும், 4 பேரின் உடல் ஹிமாச்சல் பிரதேசத்துக்கும்,2 மேற்கு வங்காளம் மற்றும் 6 பீகார் மாநிலத்துக்கும் கொண்டு செல்லப்படுகிறது.

அடுத்த செய்தி