பிரதமருக்கு அதிநவீன விமானம்: அம்மாடியோவ், ரேட் எவ்ளோ தெரியுமா?

பிரதமரின் பயணத்துக்காக பயன்படுத்த போயிங் 777 அதிநவீன விமானத்தை வாங்க ஏர் இந்தியா அதிகாரிகள், மத்திய அரசு அதிகாரிகள் அமெரிக்கா சென்றுள்ளனர்.

கொரோனா வைரஸ் காரணமாக பிரதமர் நரேந்திர மோடி கடந்த சில மாதங்களாக எந்த வெளிநாட்டுக்கும் செல்லவில்லை. சமூகவலைதளங்களில் மோடி விமர்சிக்கப்படும் போது நெட்டிசன்களால் அவரது வெளிநாட்டுப் பயணம் கட்டாயம் குறிப்பிடப்படும். கொரோனா அவரது பயணத்துக்கு தடை விதித்துள்ளது. கொரோனா முடிந்து வெளிநாடுகளுக்கோ, அல்லது உள் நாடுகளில் பல பகுதிகளுக்கோ அவர் சென்று வர அதி நவீன விமானம் வாங்கப்படவுள்ளது.

இந்தியாவில் பிரதமர், குடியரசுத் தலைவர், துணை குடியரசுத் தலைவர் ஆகியோருக்கு ஏர் இந்தியாவின் போயிங் 747 ரக விமானங்கள் பயன்படுத்தப்பட்டு வருகிறது. இவை ஏர் இந்தியா ஒன் என அழைக்கப்படுகிறது. இந்நிலையில் இதைவிட பல்வேறு அதிநவீன வசதிகள் உள்ள போயிங் 777 ரக விமானங்கள் வாங்க முடிவு செய்யப்பட்டது.

ஆமா நாங்க ஏர் இந்தியாவை வாங்கப்போறோம்: டாடா அதிரடி!

இந்தியாவுக்கு இரு போயிங் 777 ரக விமானங்கள் வழங்க அமெரிக்காவில் உள்ள போயிங் நிறுவனம் கடந்த பிப்ரவரி மாதமே ஒப்புதல் அளித்திருந்தது. இந்நிலையில் முதல் விமானம் வாங்குவதற்காக ஏர் இந்தியா அதிகாரிகள், மத்திய அரசு அதிகாரிகள் அமெரிக்கா சென்றுள்ளனர். இந்த விமானங்களுக்கான விலை ஆயிரத்து 422 கோடியே 23 லட்சத்து 93 ஆயிரம் ரூபாய் ஆகும்.

கோழிக்கோடு விமானம் எப்படி உடைந்தது, விசாரணைக் குழு அமைப்பு!

போயிங் 747 ரக விமானங்களைவிட அதிகளவிலான பாதுகாப்பு வசதிகளை 777 ரக விமானங்கள் கொண்டுள்ளன. மேலும் 747 ரக விமானங்களில் 10 மணி நேர பயணத்துக்குப் பின் மீண்டும் எரிபொருள் நிரப்ப வேண்டும். 777 ரக விமானங்களில் 17 மணி நேரம் தொடர்ச்சியாக பறக்கலாம்.