50 புதிய கேந்திரிய வித்யாலயா பள்ளிகளுக்கு அனுமதி

புதுதில்லி: நாடு முழுவதும் 50 புதிய கேந்திரிய வித்யாலயா பள்ளிகளை தொடங்க மத்திய அமைச்சரவை ஒப்புதல் வழங்கியுள்ளது.

மத்திய அமைச்சரவைக் கூட்டம் தலைநகர் தில்லியில் இன்று நடைபெற்றது. அதில், பல்வேறு முக்கிய அம்சங்களுக்கு ஒப்புதல் அளிக்கப்பட்டது. அதில், ஒன்றாக நாடு முழுவதும் 50 புதிய கேந்திரிய வித்யாலயா பள்ளிகளை தொடங்க மத்திய அமைச்சரவை ஒப்புதல் வழங்கியுள்ளது.

அதேபோல், மத்திய அரசு ஊழியர்களுக்கு அகவிலைப் படியை 2 சதவீதம் உயர்த்தவும், அதனை கடந்த ஜனவரி மாதம் முதல் கணக்கிட்டு வழங்கவும் மத்திய அமைச்சரவை ஒப்புதல் வழங்கியுள்ளது.

மேலும், பொதுத்துறை, தனியார் பங்களிப்புடன் ஐஐடி கல்விநிறுவனங்களை நடத்த வழிசெய்யும் ஐஐடி சட்டத்திருத்த மசோதா, ஆந்திர மாநிலத்துக்கு சிறப்பு நிதி ஒதுக்குவது உள்ளிட்ட பல்வேறு அம்சங்களுக்கும் மத்திய அமைச்சரவை ஒப்புதல் அளித்துள்ளது.
Cabinet approves 50 new Kendriya Vidyalaya Schools