ரூ.27,000 கோடி மதிப்பிலான உள்கட்டமைப்பு திட்டங்களுக்கு அமைச்சரவை ஒப்புதல்

நாடு முழுவதும் ரூ.27,000 கோடி மதிப்பிலான பல்வேறு சாலை மற்றும் ரயில் திட்டப் பணிகளை மேற்கொள்வதற்கு, மத்திய அமைச்சரவை ஒப்புதல் வழங்கியுள்ளது.

டெல்லியில் கூடிய பொருளாதார விவகாரங்களுக்கான அமைச்சரவைக் குழு இந்த ஒப்புதலை தெரிவித்துள்ளது. இதன்படி, ஜார்க்கண்ட், மத்தியப் பிரதேசம், மகாராஷ்டிரா, தெலுங்கானா, ஆந்திரா, உத்தரப்பிரதேசம் உள்ளிட்ட 11 மாநிலங்களில் ரயில் பாதைகளை மேம்படுத்தும் பணிகளும், கர்நாடகா, ஒடிசா, பீகார், ராஜஸ்தான், மேற்கு வங்கம் ஆகிய 5 மாநிலங்களில் 1,120 கிலோ மீட்டர் தொலைவுக்கு சாலை விரிவாக்கப் பணிகளும் மேற்கொள்ளப்பட உள்ளதாக, தெரிவிக்கப்பட்டுள்ளது.

உள்கட்டமைப்பை மேம்படுத்துவதன் மூலமாக, அதிகளவிலான தொழில் முதலீடுகளை ஈர்க்க முடியும் என்ற அடிப்படையில் இத்தகைய திட்டப் பணிகளுக்கு ஒப்புதல் வழங்கப்பட்டதாக, மத்திய அரசு வட்டாரங்கள் தெரிவிக்கின்றன.