11 மணிக்கு கூடுகிறது மத்திய அமைச்சரவை... அடுத்த அறிவிப்பு என்ன?

கொரோனா தடுப்பு நடவடிக்கைகள் குறித்து விவாதிக்க இன்று காலை 11 மணிக்கு மத்திய அமைச்சரவைக் கூட்டம் நடைபெற உள்ளது.

உலகம் முழுக்க கொரோனா வைரஸ் ஆட்டிப்படைத்து வரும் நிலையில், அதிகம் பாதிக்கப்பட்ட நாடுகளின் பட்டியலில் 11ஆவது இடத்தில் இருக்கிறது இந்தியா. தடுப்பு மருந்து அல்லது குணப்படுத்தும் மருந்து என ஏதும் இதுவரை கண்டுபிடிக்கப்படாத நிலையில், தனிமனித இடைவெளியும் தற்காப்புமே தற்போதைக்கு பரிந்துரைக்கப்படும் மருந்தாக இருக்கிறது.

மத்திய அரசுத் தரப்பில் மக்கள் நடமாட்டத்தைக் குறைப்பதற்காக இதுவரை 4 ஊரடங்குகள் பிறப்பிக்கப்பட்டுள்ளன. தற்போது கடந்த் மே18ஆம் தேதி முதல் 4ஆம் கட்ட ஊரடங்கு அமலில் உள்ளது. இந்நிலையில், இன்று காலை 11 மணியளவில் மத்திய அமைச்சரவை கூட்டம் தலைநகர் டெல்லியில் நடைபெற உள்ளது.

நாடு முழுக்க தற்போது மேற்கொள்ளப்பட்டு வரும் கொரோனா தடுப்புப் பணிகள், இனி மேற்கொள்ளப்பட வேண்டியவை குறித்து விவாதிக்க இந்தக் கூட்டம் கூட்டப்படுவதாக தகவல்கள் வெளியாகியுள்ளன.