பிரதமர் என்பதையே மோடி மறந்துட்டாரு: ராகுல்

பிரதமர் என்பதையே மறந்து மோடி பேசியதாக காங்கிரஸ் தலைவர் ராகுல் விமர்சித்துள்ளார்.

நாடாளுமன்ற லோக்சபாவில் குடியரசு தலைவரின் உரைக்கு பல்வேறு அரசியல் கட்சியினர் நன்றி தீர்மானம் உரையாற்றினர். பின்பு, எதிர்கட்சிகளின் கடும் அமளிக்கிடையே பேசிய பிரதமர் மோடி, காங்கிரஸ் தனது ஆட்சிக் காலத்தில் ஒழுங்காக பணியாற்றவில்லை என்றும், பாஜகவின் செயல்பாடுகளை பார்த்து தற்போது அஞ்சுவதாகவும் தெரிவித்தார்.

இதனையடுத்து, காங்கிரஸ் தலைவர் ராகுல், செய்தியாளர்களைச் சந்தித்தார். அப்போது பேசிய அவர், லோக்சபாவில் 1 மணி நேரத்திற்கு மேல் பிரதமர் மோடி பேசியும், ரபேல் விமான ஒப்பந்த முறைகேடு, விவசாயம், இளைஞர்கள் வேலைவாய்ப்பு என இவற்றை பற்றி எதையும் பேசாமல், அரசியல் ஆதாயத்துக்காக மட்டுமே பேசியுள்ளார் என்று குற்றம் சாட்டினார்.

மேலும், எதிர்கட்சிகளின் கேள்விகளுக்கு விளக்கம் அளிக்காமல், பிரதமர் என்பதையே மறந்து பேசியதாக ராகுல் விமர்சித்தார்