ஆப்நகரம்

பிரதமர் மற்றும் பாதுகாப்புத்துறை அமைச்சர் மீது மக்களவையில் உரிமை மீறல் தீர்மானம்!!

ரஃபேல் போர் விமான ஒப்பந்தம் தொடர்பாக, பிரதமர் மற்றும் பாதுகாப்புத் துறை அமைச்சர் ஆகியோர் மீது, காங்கிரஸ் கட்சி தலைவர்கள் மக்களவையில் உரிமை மீறல் தீர்மானம் கொண்டுவர உள்ளனர்.

Samayam Tamil 23 Jul 2018, 3:55 pm
ரஃபேல் போர் விமான ஒப்பந்தம் தொடர்பாக, பிரதமர் மற்றும் பாதுகாப்புத் துறை அமைச்சர் ஆகியோர் மீது, காங்கிரஸ் கட்சி தலைவர்கள் மக்களவையில் உரிமை மீறல் தீர்மானம் கொண்டுவர உள்ளனர்.
Samayam Tamil பிரதமர் மற்றும் பாதுகாப்புத்துறை அமைச்சர் மீது மக்களவையில் உரிமை மீறல் தீர்மானம்!!
பிரதமர் மற்றும் பாதுகாப்புத்துறை அமைச்சர் மீது மக்களவையில் உரிமை மீறல் தீர்மானம்!!


பிரதமா் நரேந்திர மோடியின் பாஜக அரசுக்கு எதிராக தெலுங்கு தேசம் கட்சி, காங்கிரஸ் உள்ளிட்ட எதிர்க்கட்சிகள் கடந்த வாரம் மக்களவையில் நம்பிக்கை இல்லா தீா்மானம்த்தைக் கொண்டு வந்தன.

இந்தத் தீர்மானத்தின் மீதான வாக்கெடுப்புக்கு முன்னதாக, ஒவ்வொரு கட்சிகளும் நம்பிக்கை இல்லா தீா்மானம் மீது விவாதம் நடத்தின. அப்போது பேசிய எதிர்க்கட்சித் தலைவர் ராகுல் காந்தி, பிரதமர் மோடி மீதும், பாஜக அரசின் மீதும் பல்வேறு குற்றச்சாட்டுகளை சுமத்தினார். அதில், குறிப்பாக ரஃபேல் போர் விமானத்தை வாங்குவதில் அரசு பல கோடி ஊழல் செய்ததாக தெரிவித்தார்.

இதையடுத்து பிரதமர் மோடி, ராகுல் காந்தி சுமத்திய பல்வேறு குற்றச்சாட்டுகளுக்கும் பதிலளித்து பேசினார். மேலும், ரஃபேல் போர் விமானத்தில் எவ்வித ஊழலும் நடைபெறவில்லை என உறுதியளித்தார். மேலும், கடந்த 4 ஆண்டுகளில் பா.ஜ.க. அரசு செய்த சாதனைகள் குறித்தும், எதிர்க்கட்சிகள் அரசுக்கு எதிராக நடந்து கொண்ட விதம் குறித்தும் விளக்கினார்.

இதனைத் தொடர்ந்து நடைபெற்ற வாக்கெடுப்பில், நம்பிக்கை இல்லா தீா்மானத்திற்கு 126 உறுப்பினா்கள் ஆதரவாகவும், நம்பிக்கை இல்லா தீா்மானத்தை எதிர்த்து 325 உறுப்பினா்களும் வாக்களித்தனா். இதன் மூலம் நம்பிக்கை இல்லா தீா்மானம் தோல்வி அடைந்ததாக அறிவிக்கப்பட்டது.

இதன்பின், மக்களவையில் ரஃபேல் போர் விமான ஒப்பந்தம் குறித்து தவறான தகவல்களை கூறியதாக தெரிவித்து, காங்கிரஸ் கட்சியின் தேசிய தலைவர் ராகுல் காந்தி மீது பாஜக கட்சியினர் உரிமை மீறல் தீர்மானத்தை தாக்கல் செய்தனர்.
இந்நிலையில், இதற்கு பதிலடி தரும் விதமாக, காங்கிரஸ் கட்சித் தலைவர்கள் பிரதமர் மோடி மற்றும் பாதுகாப்புத் துறை அமைச்சர் நிர்மலா சீதாராமன் உள்ளிட்டோர் மீது உரிமை மீறல் தீர்மானம் கொண்டுவர உள்ளதாக கூறியுள்ளனர். 2008 ஆம் ஆண்டு போடப்பட்ட ரஃபேல் போர் விமான ஒப்பந்தத்தில் விமானத்தின் விலையை இரகசியமாக வைத்துக்கொள்ள எவ்வித கட்டுப்பாடும் விதிக்கப்படவில்லை எனவும், ஆனால் பிரதமர் மற்றும் பாதுகாப்புத் துறை அமைச்சர் இருவரும் தவறான தகவல்களை வழங்கியதாகவும் அவர்கள் தெரிவித்துள்ளனர்.

உரிமை மீறல் தீர்மானம் என்பது சட்டமன்றம் அல்லது பாராளுமன்றத்தில் எம்எல்ஏ மற்றும் எம்பிகளுக்கு வழங்கப்படும் உரிமைகளையும் சுதந்திரத்தையும் பாதிக்கும் வகையில் செயல்படுவோர் மீது நடவடிக்கை எடுக்க பாதிக்கப்பட்டோர் அளிக்கும் மனுவாகும்.

அடுத்த செய்தி