பக்கோடா பிஸினஸ் செய்ய உடனடி லோன்; காங்கிரஸ் குறும்பர்களின் அட்டகாசம்!

விசாகப்பட்டினம்: பிரதமர் மோடியை கலாய்க்கும் வகையில், காங்கிரஸ் கட்சியினர் செயல்பட்டுள்ளனர்.

கடந்த சில நாட்களுக்கு முன்பு, பெங்களூருவில் நடைபெற்ற பொதுக் கூட்டத்தில் பிரதமர் மோடி கலந்து கொண்டார்.

அப்போது சில பட்டதாரி இளைஞர்கள் பக்கோடா விற்று பரபரப்பை ஏற்படுத்தினர். இது சமூக வலைதளங்களில் வைரலாக மாறியது.

இதுகுறித்து விளக்கமளித்த பிரதமர் மோடி, நம் இளைஞர்கள் நாள்தோறும் பக்கோடா விற்று, ரூ.200 சம்பாதிக்கிறார்கள். அதுவும் நல்ல வேலைவாய்ப்பு தான்.

அவர்களும் தொழிலதிபர்கள் தான் என்று கூறினார். இதற்கு எதிர்க்கட்சிகள் கடும் கண்டனம் தெரிவித்தன. இதைத்தொடர்ந்து புதுச்சேரி இளைஞர் காங்கிரஸ் சார்பில் பஜ்ஜி, பக்கோடா விற்று போராட்டம் நடத்தினர்.

மேலும் கர்நாடகாவில் காங்கிரஸ் தலைவர் ராகுல் காந்தி, முதலமைச்சர் சித்தராமையா உள்ளிட்டோர் பக்கோடா தயார் செய்தனர்.

இந்நிலையில் பாரத ஸ்டேட் வங்கி முன்பு, பக்கோடா வியாபாரத்திற்கு லோன் வழங்கப்படும் என்று குறும்பாக காங்கிரஸ் கட்சியினர் கட் அவுட் வைத்துள்ளனர்.

Congress workers made fake announcement about Pakoda Loan Scheme.