இந்தியாவில் குறைகிறதா கொரோனா பாதிப்பு..? – புள்ளிவிவரம் சொல்வது என்ன..?

உலகெங்கிலும் கொரோனா தொற்று பரவி மக்களுக்கு பெரும் அச்சத்தை ஏற்ப்படுத்தி வருகிறது. கொரோனா கடும் வேகமாக பரவி தற்பொழுது கட்டுக்குள் வரத்தொடங்கியுள்ளது.

இந்தியாவில் கடந்த சில மாதங்களுக்கு முன்பாக 3 லட்சத்திற்கும் அதிகமாக இருந்த தினசரி பாதிப்புகள் சமீபத்தில் வேகமாக குறைந்தது. கடந்த சில மாதங்கள் முன்னதாக 3 ஆயிரத்திற்கும் கீழ் குறைந்திருந்த கொரோனா பாதிப்புகள் மீண்டும் வேகமாக உயரத் தொடங்கியது. தற்போதைய நிலவரப்படி கடந்த 24 மணி நேரத்தில் 8,813 பேருக்கு கொரோனா உறுதியாகியுள்ள நிலையில் மொத்த பாதிப்புகள் 4,42,77,194 ஆக உயர்ந்துள்ளது.

ஒரே நாளில் 29 பேர் உயிரிழந்துள்ள நிலையில் மொத்த பலி எண்ணிக்கை 5,27,098 எனும் அளவில் உயர்ந்துள்ளது. அதே வேளையில் குணமடைந்தவர்களின் மொத்த எண்ணிக்கை 4,36,38,844 ஆக உயர்ந்துள்ளது. இந்நிலையில் 1,11,252 பேர் இன்னும் மருத்துவமனைகளில் சிகிச்சை பெற்று வருவதாக தகவல் கிடைத்துள்ளது.

கடந்த 13-ந்தேதி பாதிப்பு 15,815 ஆகவும், 14-ந்தேதி 14,092 ஆகவும், நேற்று 14,917 ஆகவும் இருந்தது. இந்நிலையில் நீண்ட நாட்களுக்கு பிறகு தினசரி பாதிப்பு 10 ஆயிரத்துக்கும் கீழ் குறைந்துள்ளது.

இவ்வாறு கொரோனா பாதிப்பு குறைந்து வருவது மக்கள் மத்தியில் ஆறுதலை ஏற்படுத்தி உள்ளது.