CTET Exam: மத்திய ஆசிரியர் தகுதித் தேர்வு ஒத்திவைப்பு... எப்போ தெரியுமா?

கொரோனாப் பரவல் காரணமாக மத்திய ஆசிரியர் தகுதித் தேர்வு ( CTET ) ஒத்திவைக்கப்படுவதாக CBSE நிர்வாகம் அறிவித்துள்ளது.

உலகம் முழுக்க கொரோனா வைரஸ் பரவல் நாளுக்கு நாள் அதிகரித்து வருகிறது. இதில் அதிகமான பாதிப்புள்ள நாடுகள் பட்டியலில் 4 ஆவது இடத்தில் இருக்கிறது இந்தியா. இந்நிலையில், நோய்த்தொற்றைக் கட்டுப்படுத்துவதற்காக பள்ளி கல்லூரிகளுக்கு கடந்த மார்ச் 25 ம் தேதி முதல் விடுமுறை அறிவிக்கப்பட்டுள்ளது.

அத்துடன், தேர்வுகளும் ரத்து செய்யபட்டுள்ளது. பல மாநிலங்கள் பொதுத்தேர்வுகளை ரத்து செய்திருக்கும் நிலையில், சி.பி.எஸ்.சி. பொதுத்தேர்வுகளும் ரத்து செய்யப்பட்டதாக இன்று சி.பி.எஸ்.சி. நிர்வாகம் அறிவித்தது. இதனைத் தொடர்ந்து, ஜூலை மாதம் 5ஆம் தேதி நடத்தப்படவிருந்த மத்திய ஆசிரியர் தகுதித் தேர்வும் தேதி குறிப்ப்டப்படாமல் தள்ளி வைக்கப்பட்டுள்ளது.

இந்த தேர்வுக்கு பிண்ணப்பித்திருக்கும் அனைவருக்கும் இது பொருந்தும் என்றும், மேலதிக விவரங்களுக்கு www.ctet.nic.in என்ற இணையதளத்தில் பின்தொடரலாம் என்றும் சி.பி.எஸ்.சி. நிர்வாகம் தெரிவித்துள்ளது.