செவ்வாய் கிரகத்தில் எரிமலைகள்: நாசா கண்டுபிடிப்பு

வாஷிங்டன்: நாசா விண்வெளி ஆராய்ச்சி மையம் அனுப்பிய க்யூரியாசிட்டி என்ற விண்கலம் செவ்வாய் கிரகத்தைப் பற்றிய புதிய தகவல்களை அளித்துள்ளது.

செவ்வாய் கிரகத்தின் நிலப்பரப்பை ஆராய்ச்சி செய்து வரும், 'க்யூரியாசிட்டி' விண்கலம் அனுப்பிய தகவல் ஆச்சரியத்தை ஏற்படுத்தியுள்ளது.

2015ஆம் ஆண்டு, கேல் க்ரேடர் என்று பெயரிடப்பட்ட செவ்வாய் கிரகத்தின் பகுதியில், மவுண்ட் ஷார்ப் என்ற மலைப் பகுதியில் க்யூரியாசிட்டி விண்கலம் ஒரு நாணயத்தின் அளவுக்கு சில துளைகள் இட்டது. அவற்றிலிருந்து எடுத்த கற்களை அலசும் போது, கிடைத்த தகவல்களை நாசா விஞ்ஞானிகள் ஆராய்ந்தனர்.

அப்போது, பூமியில் சில எரிமலைப் பகுதிகளில் கிடைக்கும் 'ட்ரிடைமைட்' என்ற தாதுப்பொருள் அந்த கற்களில் இருப்பதாக தெரியவந்துள்ளது. ட்ரிடைமைட் தாது, மிதமிஞ்சிய வெப்பம் உள்ள எரிமலை பிழம்பும் கடல் நீரும் கலந்தால் தான் உருவாகும். பூமியிலேயே சில எரிமலைப் பகுதிகளில் தான் ட்ரிடைமைட் கிடைக்கிறது.

எனவே, செவ்வாய் கிரகத்தில் எரிமலைகளும், கடலும் பல்லாயிரம் ஆண்டுகளுக்கு முன்னால் இருந்திருக்கலாம் என்று நாசா விஞ்ஞானிகள் தெவித்துள்ளனர்.